ഇന്ധനവിലയില്‍ നട്ടം തിരിഞ്ഞ് ഓട്ടോ തൊഴിലാളികള്‍

അടിമാലി: ഇന്ധന വിലവര്‍ധനയില്‍ നട്ടം തിരിഞ്ഞ് ഹൈറേഞ്ചിലെ ഓട്ടോ തൊഴിലാളികള്‍. ദിവസവും വില വര്‍ധിക്കുന്നത് തങ്ങളുടെ കുടുംബ ബജറ്റ്​ തെറ്റിക്കുന്നുവെന്നാണ് ഇവർ പറയുന്നത്​. ലോക്​ഡൗണിനുശേഷം ഓട്ടം കുറഞ്ഞതിനൊപ്പം ഇന്ധന വിലവര്‍ധന കൂടിയായപ്പോള്‍ ഇവർക്ക്​ മുന്നോട്ട് പോകാനാകാത്ത സാഹചര്യമാണ്​. ടാക്‌സി, സ്വകാര്യ ബസ് മേഖലകളില്‍ തൊഴിലെടുക്കുന്നവരെയും ഇത്​ പ്രതികൂലമായി ബാധിച്ചിട്ടുണ്ട്. കോവിഡ് തുടക്കം മുതല്‍ വരുമാനത്തിൽ കുറവുണ്ടെന്നിരിക്കെ ഇന്ധനത്തിനായി വരുന്ന അധിക ചെലവ് കൂടിയാകുമ്പോള്‍ എങ്ങനെ പിടിച്ചുനില്‍ക്കുമെന്ന ആശങ്കയിലാണ്​ വാഹന ഉടമകളും തൊഴിലാളികളും. idl adi 3 auto ചിത്രം: അടിമാലിയില്‍നിന്നുള്ള ചിത്രം