ജില്ല പഞ്ചായത്ത് സഹായം എത്തിക്കും

മൂലമറ്റം: അറക്കുളം പഞ്ചായത്തിൽ ഏറ്റവും കൂടുതൽ നാശനഷ്​ടം സംഭവിച്ച പതിപ്പള്ളി വാർഡിലെ തകർന്ന വീടുകളും റോഡുകളും നന്നാക്കുവാനും കൃഷി, മൃഗസംരക്ഷണ മേഖലയിലെ നഷ്​ടങ്ങൾ നികത്തുവാനും വേണ്ട സഹായങ്ങൾ നൽകുമെന്ന് ജില്ല പഞ്ചായത്ത് പ്രസിഡൻറ്​ ജിജി കെ. ഫിലിപ്പ് ഉറപ്പ് നൽകിയതായി വാർഡംഗം പി.എ വേലുക്കുട്ടൻ പറഞ്ഞു. വാർഡിലെ കെടുതികൾ എന്തൊക്കെയെന്നും പരിഹാരമാർഗങ്ങൾ എന്തെന്നും ഉടൻ റിപ്പോർട്ട് തയാറാക്കി നൽകാൻ പ്രസിഡൻറ്​ നിർദേശിച്ചു​. ജില്ല പഞ്ചായത്ത് മൂലമറ്റം ഡിവിഷൻ അംഗം പ്രഫസർ എം.ജെ. ജേക്കബ്, അറക്കുളംഗ്രാമ പഞ്ചായത്ത് പ്രസിഡൻറ്​ കെ.എസ്. വിനോദ്, തൊടുപുഴ താലൂക്ക് തഹസിൽദാർ കെ.എ.ജോസ് കുട്ടി, ഗ്രാമ പഞ്ചായത്ത് വൈസ് പ്രസിഡൻറ്​ ഗീത തുളസീധരൻ, ഗ്രാമ പഞ്ചായത്ത് അംഗം സുശീലാ ഗോപി എന്നിവരും ജില്ല പഞ്ചായത്ത്​ പ്രസിഡൻറിനോടൊപ്പം ദുരന്തസ്ഥലം സന്ദർശിച്ചു.