യുവതിക്ക് ആംബുലന്‍സില്‍ സുഖപ്രസവം

അടിമാലി: അന്തർസംസ്ഥാന തൊഴിലാളിയായ . മധ്യപ്രദേശ് ലംസാര സ്വദേശിനി ഹേമാവതിയാണ്​ (31) ആംബുലന്‍സില്‍ പ്രസവിച്ചത്. രാജാക്കാട് ആനപ്പാറ ഏലം എസ്​റ്റേറ്റിലെ തൊഴിലാളിയാണ്. ചൊവ്വാഴ്ച രാത്രി എട്ട്​ മണിയോടെ താമസ സ്ഥലത്ത് വെച്ച് ഇവർക്ക്​ പ്രസവവേദന തുടങ്ങി. ഉടന്‍ ഭര്‍ത്താവ് ശ്രീകാമ് ആരോഗ്യപ്രവര്‍ത്തകരെ വിവരമറിയിച്ചു. കനിവ് 108 ആംബുലന്‍സില്‍ അടിമാലി താലൂക്ക് ആശുപത്രിയിലേക്കുള്ള യാത്രാമധ്യേ രാജാക്കാട് എത്തുമ്പോഴേക്കും ആരോഗ്യനില കൂടുതല്‍ വഷളായി. തുടര്‍ന്ന് സമീപത്തെ ക്ലിനിക്കിൽ എത്തിച്ചെങ്കിലും ഡോക്ടര്‍ ഇല്ലാത്തതിനാല്‍ യാത്ര തുടര്‍ന്നു. രാത്രി 10.30ന്​ പൊന്മുടി ഭാഗത്തുവെച്ച് പ്രസവിക്കുകയായിരുന്നു. ആംബുലന്‍സ് എമര്‍ജന്‍സി മെഡിക്കല്‍ ടെക്നീഷ്യന്‍ ആഷ്​ലി ജോസഫ്, പൈലറ്റ് മോന്‍സന്‍ പി. സണ്ണി എന്നിവരുടെ അവസരോചിത ഇടപെടലിലൂടെ അമ്മയെയും കുഞ്ഞിനെയും പിന്നീട് സുരക്ഷിതമായി അടിമാലി താലൂക്കാശുപത്രിയില്‍ എത്തിച്ചു. അടിമാലിയില്‍ ആംബുലന്‍സില്‍ നടക്കുന്ന രണ്ടാമത്തെ പ്രസവമാണിത്. idg adi 6 adimali ആംബുലന്‍സില്‍ പ്രസവിച്ച അമ്മയും കുഞ്ഞും അടിമാലി താലൂക്കാശുപത്രിയില്‍