മദ്യലഹരിയിൽ പിതാവ് മക്കളെ വെട്ടിപ്പരിക്കേൽപിച്ചു

കുമളി: മദ്യലഹരിയിൽ പിതാവ് മക്കളെ വെട്ടിപ്പരിക്കേൽപിച്ചതായി പരാതി. ആനവിലാസം പളനിക്കാവിലാണ് സംഭവം. തോട്ടം തൊഴിലാളിയായ പിതാവ് മദ്യലഹരിയിലെത്തി വഴക്ക് ഉണ്ടാക്കിയതിനിടെ മക്കൾക്കുനേരെ കത്തിയെടുത്ത് വീശുകയായിരുന്നു. കൈക്കും കാലിനും പരിക്കേറ്റ മകനെയും മകളെയും കട്ടപ്പനയിലെ സ്വകാര്യ ആശുപത്രിയിലും പിന്നീട് വിദഗ്​ധ ചികിത്സക്കായി തേനി മെഡിക്കൽ കോളജ് ആശുപത്രിയിലും പ്രവേശിപ്പിച്ചു.