'ഭൂമിപതിവ് ചട്ടം ഭേദഗതി ചെയ്യണം'

നെടുങ്കണ്ടം: രണ്ടാം പിണറായി സര്‍ക്കാര്‍ അധികാരത്തില്‍ വന്ന് നാലുമാസമായിട്ടും 1964ലെയും 1993ലെയും ഭൂമിപതിവ്​ ചട്ടങ്ങള്‍ ഭേദഗതി ചെയ്യാത്തത് ജനങ്ങളോടുള്ള വെല്ലുവിളിയും ജനവഞ്ചനയുമാണെന്ന്​ കേരള കോണ്‍ഗ്രസ് ഉടുമ്പന്‍ചോല നിയോജകമണ്ഡലം യോഗം അഭിപ്രായപ്പെട്ടു. ജില്ല പ്രസിഡൻറ്​ പ്രഫ. എം.ജെ. ജേക്കബ് യോഗം ഉദ്്്ഘാടനം ചെയ്തു. നിയോജകമണ്ഡലം പ്രസിഡൻറ്​ തോമസ് തെക്കേല്‍ അധ്യക്ഷത വഹിച്ചു. ജോസ് പൊട്ടംപ്ലാക്കല്‍, ബേബി പതിപ്പള്ളില്‍, എം.ജെ. കുര്യന്‍, ജോജി ഇടപ്പള്ളികുന്നേല്‍, ഒ.ടി. ജോണ്‍, ബിജു അക്കാട്ടുമുണ്ട, ജോയി കണിയാംപറമ്പില്‍ തുടങ്ങിയവർ സംസാരിച്ചു.