ആദിവാസികളെ മറയാക്കി വനഭൂമിയിൽ ഏലംകൃഷി

p2 leaddddddddddd ഏറ്റവും കൂടുതല്‍ കൈ​േയറ്റം മച്ചിപ്ലാവ് സ്​റ്റേഷന്‍ പരിധിയിൽ അടിമാലി: അടിമാലി, മാങ്കുളം വനമേഖലയില്‍ ആദിവാസികളെ മറയാക്കി വലിയതോതില്‍ ഭൂമി കൈ​േയറി ഏലം കൃഷി. തലമാലി, പീച്ചാട്, പ്ലാമല, വട്ടയാര്‍, കട്ടമുടി, പെട്ടിമുടി, നൂറാംകര, കൊടകല്ല് മേഖലയിലാണ് ഹെക്ടറുകണക്കിന് സ്ഥലത്ത് ഏലം കൃഷി ഇറക്കുന്നത്. ആദിവാസി ഊരുകളോട് ചേര്‍ന്ന വനഭൂമി കൈ​േയറി നടക്കുന്ന ഏലം കൃഷിക്ക് ചില വനംവകുപ്പ് ജീവനക്കാരുടെ ഒത്താശയുമുണ്ട്. മാങ്കുളം റേഞ്ചില്‍ അടുത്തിടെ രണ്ട്​ ഏക്കര്‍ ഭൂമി വനപാലകര്‍ തിരിച്ചുപിടിച്ചിരുന്നു. ഏറ്റവും കൂടുതല്‍ കൈ​േയറ്റം നടന്നത് മച്ചിപ്ലാവ് സ്​റ്റേഷന്‍ പരിധിയിലാണ്. കൈ​േയറ്റവും വനനശീകരണവും നടന്നിട്ടും വനപാലകര്‍ നടപടി സ്വീകരിക്കുന്നില്ല. പുറമെനിന്ന് എത്തുന്നവര്‍ പ്രദേശത്ത് താമസിക്കുന്ന ആദിവാസികളുമായി പാട്ടവ്യവസ്ഥയില്‍ കൃഷിചെയ്യുന്നതിന്​ ഭൂമി ഏറ്റെടുക്കും. ഒരേക്കര്‍ ഭൂമിക്ക് 15,000 രൂപയാണ് പാട്ടത്തുക. ഇങ്ങനെ ഒന്നോ രണ്ടോ ഏക്കര്‍ ഭൂമിക്ക് പാട്ടക്കരാര്‍ നിര്‍മിക്കുന്നവര്‍ അഞ്ച്​ മുതല്‍ 10 വരെ ഏക്കര്‍ ഭൂമിയില്‍ ഏലകൃഷി ആരംഭിക്കും. ഷോല ഫോറസ്​റ്റി​ൻെറ ഭാഗമായി കിടക്കുന്ന വനത്തില്‍ അടിക്കാടുകള്‍ വെട്ടിമാറ്റി മണ്ണിളക്കി ഏലകൃഷി ഇറക്കു​േമ്പാള്‍ വ്യാപകമായി ജൈവസമ്പത്ത് നശിക്കുകയും വന്യമൃഗങ്ങളുടെ ആവാസവ്യവസ്ഥ തകരുകയും ചെയ്യുന്നു. വന്യമൃഗങ്ങള്‍ കൃഷിയിടങ്ങളില്‍ പ്രവേശിക്കാതിരിക്കാന്‍ തോക്ക് ഉൾപ്പെടെ സന്നാഹത്തോടെ കാവല്‍ ഏര്‍പ്പെടുത്തിയാണ് ഏലത്തോട്ടങ്ങള്‍ സംരക്ഷിക്കുന്നത്. ------ ആദിവാസികളെ പ്രതിസന്ധിയിലാക്കി ​ൈക​േയറ്റം പതിറ്റാണ്ടുകളായി കൈ​േയറ്റക്കാരുടെ കടന്നുകയറ്റം മൂലം ഉൾവനങ്ങളിലേക്ക് മാറിയ ആദിവാസികളെ വീണ്ടും പ്രതിസന്ധിയിലാക്കിയാണ് ഇപ്പോഴത്തെ കൈ​േയറ്റങ്ങളും ഏലകൃഷിയും. ആദിവാസികളുടെ ഭൂമിയില്‍ പുറത്തുനിന്നുള്ളവരുടെ കൈ​േയറ്റം ശ്രദ്ധയില്‍ വന്നാല്‍ നടപടിക്ക് വനംവകുപ്പിന് നിയമമുണ്ട്. എന്നാല്‍, കൈയേറ്റക്കാര്‍ക്ക് ഒപ്പമാണ് വനംവകുപ്പിലെ ചില ജീവനക്കാര്‍. ഈ വര്‍ഷംത​െന്ന ഈ മേഖലയില്‍ മാത്രം 200 ഹെക്ടറിന് മുകളില്‍ ഭൂമി കൈയേറിയതായാണ് വിവരം. മേഖലയില്‍ വന്മരങ്ങള്‍ വെട്ടി കടത്തുന്നതായും വിവരമുണ്ട്. ഏലകൃഷിയിടങ്ങളിലേക്ക് വളവും തൊഴിലാളിക​െളയും എത്തിക്കുന്നതിന് റോഡുകളും നിര്‍മിക്കുന്നു. റോഡ് കടന്നുപോകുന്ന ഭാഗങ്ങളിലെ മരങ്ങൾ വെട്ടി മണ്ണിനടിയില്‍ മൂടുകയും ചെയ്യുന്നു. മലയാറ്റൂര്‍ വനം ഡിവിഷന് കീഴില്‍ ബ്ലോക്ക് നമ്പര്‍ അഞ്ച്​ റിസര്‍വ് വനമേഖലയാണ്. 1977ന് മുമ്പുമുതല്‍ കൈവശക്കാരാണെന്ന് കാണിച്ച്​ കോടതി ഇടപെടലിലൂടെ ആദിവാസികളൂടെ ഭൂമി കൈവശപ്പെടുത്തുന്നവരുമുണ്ട്. ചിലയിടങ്ങളില്‍ വനംവകുപ്പ് ഭൂമി തിരിച്ചുപിടിക്കാന്‍ ശ്രമം നടത്തിയെങ്കിലും സംഘടിതശക്തിക്ക് മുന്നില്‍ പിന്മാറേണ്ടിയും വന്നു. കുരിശുപാറ-പ്ലാമല മേഖലയിലാണ് കൂടുതല്‍ ഭൂമി ഇത്തരത്തില്‍ വനംവകുപ്പിന് നഷ്​ടമായത്.