തൊടുപുഴയിലെ പാറമടക്കുളങ്ങൾ; കർശന നടപടിക്ക്​ നഗരസഭ

തൊടുപുഴ: തൊടുപുഴ നഗരസഭയിലെ അപകട ഭീഷണി ഉയർത്തുന്ന പാറക്കുളങ്ങളിൽ അടിയന്തരമായി മുന്നറിയിപ്പ്​ ബോർഡുകളോ സംരക്ഷണ ഭിത്തിയോ സ്ഥാപിക്കണമെന്ന്​ നഗരസഭ ചെയർമാൻ സനീഷ്​ ജോർജ്​. അതല്ലെങ്കിൽ നഗരസഭ മുൻകൈയെടുത്ത്​ തഹസിൽദാർക്ക്​ അറിയിപ്പ്​ നൽകി ഇവ മൂടുന്നതിനുള്ള നടപടി സ്വീകരിക്കും. കഴിഞ്ഞദിവസം തൊടുപുഴ നഗരസഭ പരിധിയിൽ കൊതകുത്തിയിൽ വിദ്യാർഥി പാറമടക്കുളത്തിൽ വിണ്​ മരിച്ചിരുന്നു​. നഗരസഭയിൽ ഒളമറ്റം, പട്ടയംകവല, കൊതകുത്തി, ചുങ്കം, കോലാനി അണ്ണായികണ്ണം എന്നിവിടങ്ങളിലെല്ലാം അപകടഭീഷണിയുയർത്തുന്ന പാറക്കുളങ്ങളും മടകളുമുണ്ട്​. ചില സ്ഥലങ്ങളിൽ ഉപയോഗശൂന്യമായ പാറമടകൾ മീൻ വളർത്തുന്നതിനായി ഉപയോഗിക്കുന്നുണ്ട്​. ഇവിടങ്ങളിലും ജാഗ്രത ബോർഡുകളും സംരക്ഷണ വേലിയും സ്ഥാപിക്കണം. പരിചയമില്ലാത്തവരും കുട്ടികളുമടക്കം ഇത്തരം പാറക്കെട്ടുകളിലെ കുളങ്ങളിൽ ഇറങ്ങുന്ന സാഹചര്യമുണ്ട്​. ഇവർക്കാർക്കും വെള്ളത്തി​ൻെറ ആഴത്തെക്കുറിച്ചോ അപകടത്തെക്കുറിച്ചോ വലിയ ധാരണയില്ലാത്തതിനാൽ അപകടങ്ങൾ ആവർത്തിക്കുന്നു​​. വിഷയത്തിൽ കർശന നിലാപട്​ തന്നെ സ്വീകരിക്കുമെന്നും ചെയർമാൻ പറഞ്ഞു. ​-------------------- ​TDL NEWS PARAMADA KULAM NEWS