അപകടം തുടർക്കഥ:

p2 leadddddddd റോഡ്​ നിർമാണത്തിൽ അശാസ്​ത്രീയ​തയെന്ന്​ കണ്ടെത്തൽ തൊട​ുപുഴ: പ​ുള്ളിക്കാനം-വാഗമൺ റൂട്ടിൽ അപകടങ്ങൾ തുടർക്കഥയാകുന്ന സാഹചര്യത്തിൽ റോഡ്​ ഓഡിറ്റിങ്ങുമായി മോ​ട്ടോർ വാഹനവകുപ്പ്​. റോഡി​ൻെറ അശാസ്​ത്രീയ നിർമാണമടക്കം ശ്രദ്ധയിൽപ്പെട്ട സാഹചര്യത്തിലാണ്​ എൻഫോഴ്​സ്​മൻെറ്​ സേഫ്​ കേരള വിങ്ങി​ൻെറ നേതൃത്വത്തിൽ നടപടി​​. ഉദ്യോസ്ഥരുടെ നേതൃത്വത്തിൽ കഴിഞ്ഞദിവസം മൂലമറ്റത്തിന്​ സമീപം മണപ്പാടിയിൽ വാൻമറിഞ്ഞ്​ അപകടത്തിൽപ്പെട്ട സ്ഥലം സന്ദർശിച്ചു​. വാൻ നിയന്ത്രണംവിട്ട്​ സമീപത്തെ വീടി​ൻെറ മതിലിലിടിച്ച്​ റോഡിൽ മറിയുകയായിരുന്നു. 16പേർക്കാണ്​ സംഭവത്തിൽ പരിക്കേറ്റത്​. നിർമാണത്തിലെ അശാസ്​ത്രീയത പലയിടത്തും ശ്രദ്ധയിൽപ്പെട്ടതായി പരിശോധനസംഘം പറഞ്ഞു. വളവിൽ വാഹനം നിയന്ത്രണംവിടാനുള്ള സാധ്യതയേറെയാണ്​​. മാത്രമല്ല വാഹന അപകടമുണ്ടാകുന്ന ഇടങ്ങളിൽ മുന്നറിയിപ്പ്​ ബോർഡുകളും സ്ഥാപിച്ചിട്ടില്ല. പി.ഡബ്യു.ഡിയും മോ​ട്ടോർ വാഹനവകുപ്പും ഒരുമിച്ചായിരിക്കും ഓഡിറ്റിങ്​ നടത്തുക. എൻഫോഴ്​സ്​മൻെറ്​ ആർ.ടി ടി.എ നസീറി​ൻെറ നിർദേശപ്രകാരം മോ​ട്ടോർ വെഹിക്കിൾ ഇൻസ്​പെകട്​ർ അബ്​ദുൽ ജലീൽ അസി. മോ​ട്ടോർ വെഹിക്കിൾ ഇൻസ്​പെക്​ടർമാരായ രാംദേവ്​, ദിനേശ്​കുമാർ എന്നിവർ പരിശോധനയിൽ പ​​ങ്കെടുത്തു. കാഞ്ഞാർ-വാഗമൺ വഴിയും മൂ​ലമറ്റത്തുനിന്നുള്ള വഴിയും അപകടം പിടിച്ചതാണ്​. റോഡിൽ പലയിടത്തും അരികുകളിൽ വേണ്ടത്ര കോൺക്രീറ്റടക്കം ഇല്ലാത്തതിനാൽ വലിയ കുഴികളുണ്ട്​. അപരിചിതരായ ഡ്രൈവർമാരാണ്​ കൂടുതൽ അപകടത്തിൽപ്പെടുന്നത്​​. റോഡിൽ ഡ്രൈവർമാരുടെ കാഴ്​ച മറച്ച്​ പലയിടങ്ങളിലും പൊന്തക്കാടുണ്ട്​. എതിർവശത്ത്​ വാഹനങ്ങൾ കാണു​േമ്പാൾ പെ​ട്ടെന്ന്​ വെട്ടിത്തിരിക്കാൻ ശ്രമിക്കുന്നതും അപകടത്തിനിടയാക്കുന്നുണ്ട്​. വീതിയില്ലാത്ത റോഡും ചെങ്കുത്തായ ഇറക്കവും പാതയിൽ അപകടസാധ്യത വർധിപ്പിക്കുന്നു. ഇവിടങ്ങളിൽ വാഹനങ്ങളുടെ ബ്രേക്ക്​ നഷ്​ടപ്പെടാൻ സാധ്യത ഏറെയാണ്​. അന്ത്യൻപാറയിൽനിന്ന്​ പുള്ളിക്കാനത്തേക്ക്​ പഴയ റോഡ്​ ഉപേക്ഷിച്ച്​ അശാസ്​ത്രീയമായ റോഡ്​ നിർമിച്ചതാണ്​ അപകടങ്ങൾ പതിവാകുന്നതിന്​​ കാരണമെന്ന്​ ആക്ഷേപമുണ്ട്​. ടൂറിസ്​റ്റ്​ കേന്ദ്രമായ വാഗമണ്ണിലേക്കടക്കം നൂറുകണക്കിന്​ വാഹനങ്ങൾ ദിനംപ്രതി ഇതുവഴി കടന്നുപോകുന്നുണ്ട്​. രണ്ടു വാഹനങ്ങൾ നേർക്കുനേരെ വന്നാൽ പോകാൻ കഴിയില്ല. വലിയ വാഹനങ്ങൾ റോഡിൽ കുടുങ്ങുന്നതും ഇവിടെ പതിവാണ്​. ----------------------- ​TDL MVD കഴിഞ്ഞദിവസം മൂലമറ്റത്തിന്​ സമീപം അപകടമുണ്ടായ സ്ഥലം മോ​​​ട്ടോർ വാഹനവകുപ്പ്​ ഉ​ദ്യോഗസ്ഥർ പരിശോധിക്കുന്നു ---------------------- സൗജന്യ ശ്രവണയന്ത്ര വിതരണ ക്യാമ്പ് തൊടുപുഴ: ഇടുക്കി ജില്ലയിലെ കേള്‍വിശക്തി ദുര്‍ബലരായ കുട്ടികള്‍ക്കും മുതിര്‍ന്നവര്‍ക്കുമായി സൗജന്യ ശ്രവണയന്ത്ര വിതരണ ക്യാമ്പ് നടത്തുമെന്ന് അല്‍ അസ്ഹര്‍ മെഡിക്കല്‍ കോളജ് അധികൃതര്‍ വാർത്തസമ്മേളനത്തില്‍ അറിയിച്ചു. അലി യാവര്‍ ജങ് നാഷനല്‍ ഇൻസ്​റ്റിറ്റ്യൂട്ടി​ൻെറയും എം.ജി സർവകലാശാലയുടെയും സഹകരണത്തോടെയാണ് ഒക്‌ടോബര്‍ നാല്, അഞ്ച് തീയതികളില്‍ രാവിലെ ഒമ്പത് മുതല്‍ വൈകീട്ട് അഞ്ചുവരെ അല്‍ അസ്ഹര്‍ മെഡിക്കല്‍ കോളജിലാണ് ക്യാമ്പ് നടത്തുക. ക്യാമ്പില്‍ രോഗനിര്‍ണയവും ബോധവത്കരണ ക്ലാസും നടക്കും. സര്‍ക്കാറി​ൻെറ കേള്‍വി വൈകല്യ സര്‍ട്ടിഫിക്കറ്റും രണ്ട് പാസ്‌പോര്‍ട്ട് സൈസ് ഫോട്ടോ, ആധാര്‍-ബി.പി.എല്‍ കാര്‍ഡുകളുടെ പകർപ്പ്​, പ്രതിമാസ വരുമാനം 15,000 രൂപയില്‍ താഴെയുള്ള വരുമാന സര്‍ട്ടിഫിക്കറ്റോ ഹാജരാക്കണം. ക്യാമ്പില്‍ പങ്കെടുക്കാന്‍ സെപ്റ്റംബര്‍ 20ന് മുമ്പ്​ അപേക്ഷ നൽകണം. ചുവടെയുള്ള നമ്പറുകളുടെ രജിസ്​ട്രേഷൻ സൗകര്യമുണ്ട്​. ഫോൺ: 04862 249201, 9496223000, 8547083912. ആദ്യ രജിസ്​റ്റർ ചെയ്യുന്ന മുന്നൂറോളം പേരെയാണ് പരിഗണിക്കുക. വാർത്തസമ്മേളനത്തില്‍ അല്‍അസ്ഹര്‍ മെഡിക്കല്‍ കോളജ് സി.ഒ.ഒ ലുക്മാന്‍ പൊന്‍മാടത്ത്, ഡോ. ഡേവിസ് തോമസ് പുളിമൂട്ടില്‍, പി.ആര്‍.ഒ സാദിഖ് അലി എന്നിവര്‍ പങ്കെടുത്തു.