ചാരായവുമായി അറസ്​റ്റിൽ

കട്ടപ്പന: ചാരായവുമായി ഒരാളെ എക്​സൈസ്​ പിടികൂടി. കോഴിമല പാമ്പാടിക്കുഴി പള്ളിത്താഴെ വീട്ടിൽ ഷാജിയാണ് അറസ്​റ്റിലായത്. ഇയാളിൽനിന്ന് രണ്ടരലിറ്റർ ചാരായം പിടികൂടി. കട്ടപ്പന എക്സൈസ് റേഞ്ച് ഇൻസ്പെക്ടർ വി.ജെ. കിരൺ, പ്രിവൻറിവ് ഓഫിസർ വി.പി. സാബുലാൽ, സിവിൽ എക്സൈസ് ഓഫിസർമാരായ ജയിംസ് മാത്യു, കെ.എസ്.​ അനൂപ്, വനിത സിവിൽ എക്​സൈസ് ഓഫിസർ ചിത്രഭായ് ഡ്രൈവർ ഷിജോ അഗസ്​റ്റിൻ എന്നിവരുടെ നേതൃത്വത്തിലാണ് പിടികൂടിയത്.