വാര്‍ഷിക പദ്ധതി പരിഷ്‌കരണം; ഇടുക്കി മുന്നിൽ

ഗാര്‍ഹിക മാലിന്യ സംസ്‌കരണ സൗകര്യങ്ങള്‍ വിലയിരുത്താൻ പ്രത്യേക യോഗം ചേരും തൊടുപുഴ: തദ്ദേശ സ്ഥാപനങ്ങള്‍ കഴിഞ്ഞ മാര്‍ച്ചില്‍ പൂര്‍ത്തീകരിക്കാത്ത പ്രവൃത്തികള്‍ കൂടി ഉള്‍പ്പെടുത്തി നടപ്പ് വാര്‍ഷിക പദ്ധതി പരിഷ്‌കരിച്ച സംസ്ഥാനത്തെ ആദ്യ ജില്ലയെന്ന നേട്ടം ഇടുക്കിക്ക്. പരിഷ്‌കരണത്തിനായി സര്‍ക്കാര്‍ 10ാം തീയതി വരെ സമയം നല്‍കിയിരുന്നെങ്കിലും ജില്ലയിലെ 63 തദ്ദേശ സ്ഥാപനങ്ങളും ഒമ്പതിന്​ തന്നെ സമര്‍പ്പിച്ചതോടെയാണ് നേട്ടം കൈവരിക്കാനായത്. വെള്ളിയാഴ്​ച ചേർന്ന ജില്ല ആസൂത്രണ സമിതി യോഗം പരിഷ്‌കരിച്ച വാര്‍ഷികപദ്ധതികള്‍ അംഗീകരിച്ചു. അംഗീകാരം ലഭിച്ച പദ്ധതികളുടെ സാങ്കേതിക അംഗീകാരം, ഗുണഭോക്തൃ നിർണയം, ടെൻഡറിങ്​, നിര്‍വഹണം എന്നിവ സമയബന്ധിതമായി പൂര്‍ത്തീകരിക്കണമെന്ന് യോഗം നിർദേശിച്ചു. സ്ത്രീകളുടെ പദവി, തൊഴില്‍, വരുമാനം എന്നിവ ഉയര്‍ത്തുന്നതിനാവശ്യമായ പദ്ധതികള്‍ വനിതാഘടക പദ്ധതിയില്‍ ഏറ്റെടുക്കണം. ഗാര്‍ഹിക മാലിന്യ സംസ്‌കരണ സൗകര്യങ്ങള്‍ വിലയിരുത്തുന്നതിനായി ജില്ലാതലത്തില്‍ പ്രത്യേക യോഗം ചേരാനും തീരുമാനിച്ചു. ജില്ല പഞ്ചായത്ത് പ്രസിഡൻറ്​ ജിജി കെ. ഫിലിപ്പ് അധ്യക്ഷത വഹിച്ചു. ജില്ല കലക്ടര്‍ ഷീബ ജോര്‍ജ്, ജില്ല പഞ്ചായത്ത് വൈസ് പ്രസിഡൻറ്​ ഉഷ കുമാരി മോഹന്‍ കുമാർ തുടങ്ങിയവർ പങ്കെടുത്തു. സദ്ഭാവന മണ്ഡപം നിർമാണം തുടങ്ങി ഇളംദേശം: ഇളംദേശം ബ്ലോക്ക് പഞ്ചായത്തില്‍ കേന്ദ്രാവിഷ്‌കൃത പദ്ധതിയായ ജനവികാസ് കാര്യക്രം (പി.എം.ജി.വി.കെ) പ്രകാരം അനുവദിച്ച സദ്ഭാവന മണ്ഡപത്തി​ൻെറ നിർമാണം തുടങ്ങി. കറുകപ്പിള്ളിയില്‍ ബ്ലോക്ക് പ്രസിഡൻറ്​ മാത്യു കെ. ജോണ്‍, വെള്ളിയാമറ്റം ഗ്രാമ പഞ്ചായത്ത് പ്രസിഡൻറ്​ ഇന്ദു ബിജു എന്നിവര്‍ ചേര്‍ന്ന് നിർമാണോദ്ഘാടനം നിര്‍വഹിച്ചു. നിർമാണ പ്രവര്‍ത്തനങ്ങള്‍ പൂര്‍ത്തീകരിക്കുന്നതിന് ജില്ല നിര്‍മിതി കേന്ദ്രത്തെ കലക്ടര്‍ ചുമതലപ്പെടുത്തി. 1.40 കോടി മുടക്കി നിർമിക്കുന്ന മണ്ഡപത്തില്‍ സമ്മേളന ഹാള്‍, അടുക്കള, ഡൈനിങ്​ ഹാള്‍, ഇന്‍ഡോര്‍ ബാഡ്മിൻറണ്‍ കോര്‍ട്ട്, സ്ത്രീകള്‍ക്കും പുരുഷന്‍മാര്‍ക്കും പ്രത്യേകം ശുചിമുറികള്‍, ഓഫിസ് റൂം, സ്​​േറ്റജ് എന്നീ സൗകര്യങ്ങള്‍ അടങ്ങുന്ന വിവിധ ഉപയോഗ ഹാള്‍ ആണ് നിര്‍മിക്കുന്നത്. ബ്ലോക്ക് പഞ്ചായത്ത് വൈസ് പ്രസിഡൻറ്​ ഡാനിമോള്‍ വർഗീസ്, ഗ്രാമ പഞ്ചായത്ത് വൈസ് പ്രസിഡൻറ്​ ലാലി ജോസി വേളാച്ചേരി, സ്​ഥിരം സമിതി ചെയര്‍മാന്‍മാരായ ടോമി കാവാലം, ആന്‍സി സോജന്‍, ഷെമീന അബ്​ദുൽ കരിം, മോഹന്‍ദാസ് പുതുശ്ശേരി തുടങ്ങിയവര്‍ പങ്കെടുത്തു. ചിത്രം TDL103 velliyamatam: കറുകപ്പിള്ളിയില്‍ സദ്ഭാവന മണ്ഡപത്തി​ൻെറ നിർമാണോദ്​ഘാടനം ഇളംദേശം ബ്ലോക്ക് പഞ്ചായത്ത് പ്രസിഡൻറ്​ മാത്യു കെ. ജോണ്‍, വെള്ളിയാമറ്റം പഞ്ചായത്ത് പ്രസിഡൻറ്​ ഇന്ദു ബിജു എന്നിവര്‍ നിർവഹിക്കുന്നു