നാണ്യവിളകൾക്ക് വിലസ്ഥിരത ഉറപ്പാക്കണം

ചെറുതോണി: സംസ്ഥാന സർക്കാർ പ്രഖ്യാപിച്ച ഇടുക്കി പാക്കേജിലൂടെ കർഷകരുടെ നാണയവിളകൾക്ക് വിലസ്ഥിരത ഉറപ്പാക്കുന്നതിനും മൂല്യവർധിത ഉൽപന്നങ്ങളാക്കി മാറ്റുന്നതിനും പദ്ധതികൾ നടപ്പിലാക്കണമെന്ന് കടാശ്വാസ കമീഷൻ അംഗവും കേരള കോൺഗ്രസ്​ എം ജില്ല പ്രസിഡൻറുമായ ജോസ്​ പാലത്തിനാൽ ആവശ്യപ്പെട്ടു. കർഷക യൂനിയൻ എം ജില്ല നേതൃയോഗം ഉദ്ഘാടനം ചെയ്യുകയായിരുന്നു അദ്ദേഹം. കർഷക യൂനിയൻ എം സംസ്ഥാന പ്രസിഡൻറ് റെജി കുന്നംകോട്ട് മുഖ്യപ്രഭാഷണം നടത്തി. ജില്ല പ്രസിഡൻറ്​ ബിജു ഐക്കര അധ്യക്ഷതവഹിച്ചു. പാർട്ടി നിയോജകമണ്ഡലം പ്രസിഡൻറ് ഷാജി കാഞ്ഞമല, നേതാക്കളായ ജോസ്​ കുഴികണ്ടം, ജേക്കബ് പിണക്കാട്ട്, തങ്കച്ചൻ വാലുമ്മേൽ, സജി മൈലാടി, മാത്യു പൊട്ടൻപ്ലാവിൽ, അഡ്വ. മധു നമ്പൂതിരി, തങ്കച്ചൻ മരോട്ടിമൂട്ടിൽ തുടങ്ങിയവർ സംസാരിച്ചു. --------- TDL KARSHAKA UNION M കർഷക യൂനിയൻ എം ജില്ല നേതൃയോഗം പാർട്ടി ജില്ല പ്രസിഡൻറ്​ ജോസ്​ പാലത്തിനാൽ ഉദ്ഘാടനം ചെയ്യുന്നു