മരങ്ങൾ മുറിച്ച സംഭവം: അറസ്​റ്റിലായവർ റിമാൻറിൽ

അടിമാലി: പട്ടയ വസ്തുവിലെ മരംമുറിയുമായി ബന്ധപ്പെട്ട് അറസ്​റ്റിലായവരെ റിമാൻഡ്​ ചെയ്തു. ആനവിരട്ടി നടുത്തോട്ടത്തിൽ റെജി (49), മച്ചിപ്ലാവ് മറ്റത്തിൽ സജി (49), മാർക്ക മത്തായി (64), ഊന്നുകൽ പുത്തൻകുരിശ് മൂലേത്തൊട്ടിയിൽ ഷംസ് (48) എന്നിവരെയാണ് റിമാൻഡ്​ ചെയ്തത്. കർഷകരെ വഞ്ചിക്കൽ, ഗൂഢാ​േലാചന, കബളിപ്പിക്കൽ തുടങ്ങി ആറ്​ വകുപ്പുകളാണ് ഇവർക്കെതിരെ ചുമത്തിയത്​. കേസിൽ ഫോറസ്​​റ്റ്​ റേഞ്ച് ഓഫിസർ, വില്ലേജ് ഓഫിസർ എന്നിവരെ ചോദ്യം ചെയ്​തുവരുന്നു. ശനിയാഴ്ച ചോദ്യംചെയ്യൽ പൂർത്തിയാകാത്തതിനാൽ തിങ്കളാഴ്ച ഹാജരാകുന്നതിന് നിർദേശം നൽകിയതായി അടിമാലി സി.ഐ പറഞ്ഞു. എന്നാൽ, പട്ടയ വസ്തു ഉടമകളെ പൊലീസ് കേസിൽ ഉൾപ്പെടുത്തിയിട്ടില്ല. തേക്ക് , ഈട്ടി മുതലായവ വെട്ടിക്കടത്തിയ സംഭവത്തിലാണ് അറസ്​റ്റ്​ ചെയ്തത്. എന്നാൽ, ഇത്തരം മരങ്ങൾ മുറിക്കാൻ നിയമപ്രകാരം അപേക്ഷ നൽകിയ കർഷകരെ കേസിൽ ഉൾപ്പെടുത്തിയിട്ടില്ല.