ശാന്തിതീരം ശ്​മശാനം ഫർണസുകൾ നന്നാക്കാൻ നിർദേശം

തൊടുപുഴ: നഗരസഭയുടെ ശാന്തിതീരം പൊതുശ്മശാനത്തി​ൻെറ തകരാറിലായ രണ്ടു ഫർണസും അടിയന്തരമായി അറ്റകുറ്റപ്പണി നടത്തി പ്രവർത്തനക്ഷമമാക്കണമെന്ന് വ്യാഴാഴ്​ച നടന്ന നഗരസഭ കൗൺസിലിൽ വികസനകാര്യ സ്ഥിരം സമിതി ചെയർമാൻ കെ. ദീപക് ആവശ്യപ്പെട്ടു. രണ്ട് ഫർണസുള്ള ഇവിടെ ഒരെണ്ണം കേടായിട്ട് ഒരാഴ്ച പിന്നിട്ടിരുന്നു. രണ്ടു ദിവസം മുമ്പ്​ രണ്ടാമത്തേതും പ്രവർത്തനം നിലച്ചു. കോവിഡി​ൻെറ പശ്ചാത്തലത്തിൽ മൃതശരീരം ദഹിപ്പിക്കുന്നതിന് മറ്റുജില്ലകളിൽ പോകേണ്ട അവസ്ഥയാണ്​. ഇക്കാര്യത്തിൽ അടിയന്തര തീരുമാനം ഉണ്ടാക്കണം. കൗൺസിലർമാരായ ജോസഫ് ജോൺ, ടി.എസ്. രാജൻ, എം.എ. കരീം എന്നിവർ പിന്തുണയുമായെത്തി. ഫർണസി​ൻെറ അറ്റകുറ്റപ്പണി എത്രയും പെട്ടെന്ന് നടത്തി പ്രവർത്തനക്ഷമമാക്കാൻ ചെയർമാൻ സനീഷ് ജോർജ് ഉദ്യോഗസ്ഥർക്ക് നിർദേശം നൽകി. ---------------- തൊഴിലുറപ്പ്​ യൂനിയന്‍ ധർണ ചെറുതോണി: തൊഴില്‍ ദിനങ്ങള്‍ 200 ആക്കി വര്‍ധിപ്പിക്കണമെന്ന് ആവശ്യപ്പെട്ട് തൊഴിലുറപ്പ് തൊഴിലാളി യൂനിയന്‍ ഇടുക്കി ഏരിയ കമ്മിറ്റി നേതൃത്വത്തില്‍ ചെറുതോണിയില്‍ ധര്‍ണ നടത്തി. തൊഴിലുറപ്പ്​ വേതനം 600 ആയി ഉയര്‍ത്തുക, സ്ത്രീസുരക്ഷ ഉറപ്പുവരുത്തുക, ജാതീയമായി വേര്‍തിരിച്ചു മസ്ട്രോള്‍ നല്‍കുന്ന രീതി അവസാനിപ്പിക്കുക തുടങ്ങിയ ആവശ്യങ്ങളും ഉന്നയിച്ചു. കര്‍ഷകസംഘം ജില്ല പ്രസിഡൻറ്​ സി.വി. വര്‍ഗീസ് ഉദ്ഘാടനം ചെയ്തു. കെ.സി. സീത അധ്യക്ഷത വഹിച്ചു. എന്‍.ആര്‍.ഇ.ജി വര്‍ക്കേഴ്സ് യൂനിയന്‍ ജില്ല പ്രസിഡൻറ്​ പ്രഭ തങ്കച്ചന്‍, നേതാക്കളായ പി.എസ്. സുരേഷ്, ടി.ഇ. നൗഷാദ്, നിമ്മി ജയന്‍ തുടങ്ങിയവര്‍ സംസാരിച്ചു. ------------ ചിത്രം -TDL103 THOZILURAPPU തൊഴിലുറപ്പ് തൊഴിലാളി യൂനിയന്‍ ചെറുതോണിയില്‍ നടത്തിയ ധർണ കര്‍ഷകസംഘം ജില്ല പ്രസിഡൻറ് സി​.വി. വർഗീസ്​ ഉദ്​ഘാടനം ചെയ്യുന്നു ----------------- കട്ടപ്പന നഗരസഭയിലെ നിയമനം: വിജിലൻസ് അന്വേഷണം ആവശ്യപ്പെട്ട് ബി.ജെ.പി കട്ടപ്പന: കട്ടപ്പന നഗരസഭയിൽ “എ​ൻെറ നഗരം സുന്ദരനഗരം” പദ്ധതിയുടെ പ്രവർത്തനങ്ങൾ ഏകോപിപ്പിക്കുന്നതിന് ജൂനിയർ ഹെൽത്ത് ഇൻസ്പെക്ടറുടെ തസ്തികയിലേക്ക് നടന്ന നിയമനം അനധികൃതമാണെന്ന്​ ബി.ജെ.പി ആരോപിച്ചു. ഹരിത കേരളം മിഷൻ നഗരസഭക്ക് നൽകിയ നിർദേശത്തിൽ ഈ പദ്ധതിയുടെ നടത്തിപ്പിലേക്ക് ആളെ നിയോഗിക്കാൻ പാടില്ല എന്ന് വ്യക്തമാക്കിയിട്ടുണ്ട്. നഗരസഭയിലെ ആരോഗ്യ വിഭാഗം ജീവനക്കാരുടെ ചുമതലയിൽ നടത്തേണ്ട പദ്ധതിയിൽ ഉയർന്ന ശമ്പളം നൽകി അനധികൃത നിയമനം നടത്തുന്നതിലൂടെ നഗരസഭക്ക് സാമ്പത്തികനഷ്​ടം വരുത്തി ​െവക്കുകയാണ്. പി.എസ്​.സി മുഖാന്തരം നിയമിച്ച ഉദ്യോഗസ്ഥൻ നിലവിൽ ഉള്ളപ്പോഴാണ് ഈ നിയമനം. നിയമനം റദ്ദ് ചെയ്യണമെന്നും ഇതുമായി ബന്ധപ്പെട്ട് മിനിസ്​റ്റിൽ എഴുതിച്ചേർത്തതടക്കം നടപടികൾ അന്വേഷിച്ച് നിയമനടപടി സ്വീകരിക്കണമെന്നും ആവശ്യപ്പെട്ട് ബി.ജെ.പി കട്ടപ്പന നഗരസഭ കമ്മിറ്റി വിജിലൻസിനും ഉന്നത അധികാരികൾക്കും പരാതി നൽകുമെന്ന്​ പാർട്ടി നിയോജക മണ്ഡലം പ്രസിഡൻറ്​ രതീഷ് വരകുമല, നഗരസഭ കമ്മിറ്റി പ്രസിഡൻറും കൗൺസിലറുമായ തങ്കച്ചൻ പുരയിടം എന്നിവർ അറിയിച്ചു.