ശിവൻകുട്ടി രാജി​െവച്ചൊഴിയേണ്ടിവരും -ഡി.സി.സി

തൊടുപുഴ: നിയമസഭ കൈയാങ്കളി കേസിൽ വിചാരണ നേരിടുന്ന മന്ത്രി വി. ശിവൻകുട്ടി രാജിവെക്കണമെന്നാവശ്യപ്പെട്ട്​ യു.ഡി.എഫ്​ നിയോജകമണ്ഡലം കമ്മിറ്റികളുടെ ആഭിമുഖ്യത്തിൽ ജില്ലയിലെ അഞ്ച്​ നിയോജക മണ്ഡലം ആസ്ഥാനങ്ങളിലും ധർണ സംഘടിപ്പിച്ചു. മന്ത്രി ശിവൻകുട്ടി സ്വയം രാജിവെ​ച്ചൊഴിയേണ്ടിവരുമെന്ന്​ തൊടുപുഴ മിനി സിവിൽ സ്​റ്റേഷന്​ മുന്നിൽ നടന്ന ധർണ ഉദ്​ഘാടനം ചെയ്​ത ഡി.സി.സി അധ്യക്ഷൻ അഡ്വ. ഇബ്രാഹിംകുട്ടി കല്ലാർ പറഞ്ഞു. സുപ്രീംകോടതി വിധി വന്നശേഷവും മൗനം പാലിക്കുന്ന ജോസ്​ കെ. മാണിക്ക് കേരള കോൺഗ്രസി​ൻെറയും കെ.എം. മാണിയുടെയും പൈതൃകം അവകാശപ്പെടാൻ ധാർമികാവകാശമില്ലെന്നും അദ്ദേഹം പറഞ്ഞു. യു.ഡി.എഫ് നിയോജകമണ്ഡലം ചെയർമാൻ പി.എൻ. സീതി അധ്യക്ഷത വഹിച്ചു. ജില്ല ചെയർമാൻ അഡ്വ. എസ്​. അശോകൻ, കൺവീനർ പ്രഫ. എം.ജെ. ജേക്കബ്​, മുസ്​ലിം ലീഗ് ജില്ല പ്രസിഡൻറ്​ എം.എസ്​. മുഹമ്മദ്, സി.പി. മാത്യു, കക്ഷിനേതാക്കളായ കെ. സുരേഷ് ബാബു, ടി.വി. പാപ്പു, സി.കെ. ശിവദാസ്​, അഡ്വ. ജോസഫ് ജോൺ, വി. മോനിച്ചൻ, ജോൺ നെടിയപാല, ഷിബിലി സാഹിബ്, ലീലാമ്മ ജോസ്​, ടി.ജെ. പീറ്റർ, വി. താജുദ്ദീൻ, ജാഫർഖാൻ മുഹമ്മദ്, ടി.​കെ. നവാസ് തുടങ്ങിയവർ സംസാരിച്ചു. മൂന്നാറിൽ കെ.പി.സി.സി മുൻ വൈസ്​ പ്രസിഡൻറ് എ.കെ മണി, ഇടുക്കിയിൽ കെ. ഫ്രാൻസിസ്​ ജോർജ്​, പീരുമേട്ടിൽ ജി. ബേബി, ഉടുമ്പൻചോലയിൽ ഇ.കെ. വാസു, അടിമാലിയിൽ എം.പി. സൈനുദ്ദീൻ എന്നിവർ ധർണ ഉദ്​ഘാടനം ചെയ്​തു. ----------------- ചിത്രം TDL101 DCC മന്ത്രി വി. ശിവൻകുട്ടി രാജിവെക്കണമെന്നാവശ്യപ്പെട്ട്​ തൊടുപുഴ മിനി സിവിൽസ്​റ്റേഷന്​ മുന്നിൽ നടന്ന ധർണ ഡി.സി.സി അധ്യക്ഷൻ ഇബ്രാഹിംകുട്ടി കല്ലാർ ഉദ്ഘാടനം ചെയ്യുന്നു --------------- യുവജനവേദി ധർണ ഇന്ന്​ തൊടുപുഴ: കേരളത്തിൽ ട്രാൻസ്​ജെൻഡർ ആരോഗ്യ പോളിസി നടപ്പാക്കുക, അനന്യക്ക് നീതി ഉറപ്പാക്കുക എന്നീ ആവശ്യങ്ങളുന്നയിച്ച്​ യുവജനവേദി സംസ്ഥാനതലത്തിൽ നടത്തുന്ന പ്രചാരണ പരിപാടികളുടെ ഭാഗമായി വെള്ളിയാഴ്​ച വൈകീട്ട്​ നാലിന്​ തൊടുപുഴ സിവിൽ സ്​റ്റേഷൻ പരിസരത്ത് ജില്ല കമ്മിറ്റി സായാഹ്ന ധർണ നടത്തും. സംസ്ഥാന പ്രസിഡൻറ്​ സച്ചിൻ കെ. ടോമി ഉദ്ഘാടനം ചെയ്യും. ------------ റോഡ്​ നിർമാണം: എം.പി കേന്ദ്രമന്ത്രിയെ കണ്ടു തൊടുപുഴ: പ്രധാനമന്ത്രി ഗ്രാമീൺ സഡക് യോജനയിൽപ്പെടുത്തി കൂടുതൽ റോഡുകൾ കേരളത്തിന് അനുവദിക്കണമെന്നാവശ്യപ്പെട്ട്​ ഡീൻ കുര്യാക്കോസ് എം.പി കേന്ദ്ര ഗ്രാമവികസന മന്ത്രി ഗിരിരാജ്‌ സിങ്ങിനെ കണ്ടു. എം.പിമാരായ എൻ.കെ. പ്രേമചന്ദ്രൻ, ആ​േൻറാ ആൻറണി, തോമസ് ചാഴികാടൻ എന്നിവരും ഉണ്ടായിരുന്നു. പി.എം.ജി.എസ്.വൈയിൽപ്പെടുത്തി 1425 കി.മീ. റോഡാണ് കേരളത്തിന് അനുവദിച്ചത്. ഇത് അപര്യാപ്തമാണ്. റോഡ്​ നിർമാണത്തിന് പുതുക്കി നിശ്ചയിച്ച മാനദണ്ഡങ്ങളിൽ മാറ്റം വരുത്തണമെന്നും 'സർഫസ് ഡ്രസിങ്' നിർമാണരീതി കേരളത്തിന് അനുയോജ്യമല്ലെന്നും റോഡുകളുടെ കയറ്റിറക്കം സംബന്ധിച്ച മാനദണ്ഡങ്ങളിലെ മാറ്റങ്ങൾ ഇടുക്കിയുടെ സാഹചര്യങ്ങൾക്ക് യോജിക്കുന്നതല്ലെന്നും മന്ത്രിയെ അറിയിച്ചു. ആവശ്യങ്ങൾ അനുഭാവപൂർവം പരിഗണിക്കാമെന്ന് മന്ത്രി ഉറപ്പുനൽകിയതായും എം.പി പറഞ്ഞു.