ജോയൻറ്​ കൗണ്‍സില്‍ സംസ്ഥാന സമ്മേളനത്തിന് തുടക്കം

തൊടുപുഴ: ജോയൻറ്​ കൗണ്‍സില്‍ 52ാം വാര്‍ഷിക സമ്മേളനത്തിന് തുടക്കമായി. കോവിഡ് മാനദണ്ഡങ്ങള്‍ പാലിച്ച് സമ്മേളനം വെര്‍ച്വലായാണ് നടക്കുന്നത്. തിരുവനന്തപുരത്തും മറ്റു 13 ജില്ലാ കേന്ദ്രങ്ങളിലുമായി നടക്കുന്ന സമ്മേളനത്തി​ൻെറ ഭാഗമായ സെമിനാര്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്തു. 'ജനാധിപത്യത്തില്‍ സിവില്‍ സര്‍വിസിൻെറ അനിവാര്യത' വിഷയത്തിലെ സെമിനാറില്‍ റവന്യൂ മന്ത്രി അഡ്വ. കെ. രാജന്‍ അധ്യക്ഷത വഹിച്ചു. തൊടുപുഴ ജോയൻറ്​ കൗണ്‍സില്‍ ഭവനില്‍ സജ്ജീകരിച്ച ഹാളില്‍ ഇരുന്നാണ് ജില്ലയിലെ പ്രതിനിധികള്‍ സമ്മേളനത്തില്‍ പങ്കെടുക്കുന്നത്. വെള്ളിയാഴ്ച രാവിലെ പ്രതിനിധി സമ്മേളനം സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍ ഉദ്ഘാടനം ചെയ്യും. ഫോട്ടോ-TDL104 JOINTCOUNCLE ജോയൻറ്​ കൗണ്‍സില്‍ സംസ്ഥാന സമ്മേളന സെമിനാര്‍ മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യുന്നു ഉപാസന വാർഷികം തൊടുപുഴ: ഉപാസന കാവ്യകഥവേദി 18ാം വാർഷികം ഓൺലൈനായി നടത്തി. ഡയറക്ടർ ഫാ. കുര്യൻ പുത്തൻപുരക്കൽ അധ്യക്ഷതവഹിച്ചു. കാവ്യകഥവേദി പ്രസിഡൻറ്​ വിൽ‌സൺ ജോൺ, സെക്രട്ടറി രമ പി. നായർ എന്നിവർ പൂർവകാല ചരിത്രം പങ്കു​െവച്ചു. വഴിത്തല ഉദയ ലൈബ്രറി പ്രസിഡൻറും ഗ്രന്ഥകാരനുമായ കെ.ആർ. സോമരാജൻ യോഗം ഉദ്​ഘാടനം ചെയ്തു. സുകുമാർ അരിക്കുഴ, മധു പത്മാലയം, അനുകുമാർ, കെ.എസ്​. സോമൻ, അബ്​ദുൽ കരീം, കെ.പി. ചന്ദ്രൻ, കൗസല്യ കൃഷ്ണൻ, കാർത്യായനി കൃഷ്ണൻകുട്ടി, സിനി രാജൻ, മിനി കാഞ്ഞിരമറ്റം, മാലതി നായർ, ആരതി ഗോപാൽ, സജിത ഭാസ്‌കർ, ഇന്ദിര രവീന്ദ്രൻ, ഗ്രേസി തോമസ്, ലതിക തൊടുപുഴ എന്നിവർ സംസാരിച്ചു. ആരതി ഗോപാൽ നന്ദി പറഞ്ഞു.