ഓണ്‍ലൈന്‍ പഠനം: ഡിജിറ്റല്‍ ഡിവൈസ് ചലഞ്ചുമായി ജില്ല ഭരണകൂടം

* പഠന സൗകര്യമില്ലാത്തത്​ 13,517 കുട്ടികൾക്ക്​ തൊടുപുഴ: ഇടുക്കി ജില്ലയിലെ വിദ്യാർഥികളുടെ ഓണ്‍ലൈന്‍ പഠനം വിജയകരമാക്കുന്നതി​ൻെറ ഭാഗമായി ഡിജിറ്റല്‍ ഡിവൈസ് ചലഞ്ചുമായി ജില്ല ഭരണകൂടം. സംസ്ഥാന സര്‍ക്കാറി​ൻെറ നിർദേശപ്രകാരം ഓണ്‍ലൈന്‍ പഠനത്തി​ൻെറ സാധ്യതകള്‍ വിശകലനം ചെയ്യുന്നതി​ൻെറ ഭാഗമായി ജലവിഭവ വകുപ്പ് മന്ത്രി റോഷി അഗസ്​റ്റി​ൻെറ നേതൃത്വത്തില്‍ യോഗം ചേര്‍ന്നു. ഓണ്‍ലൈന്‍ പഠനത്തിനായ അടിസ്ഥാന സൗകര്യം ഒരുക്കിക്കൊടുക്കേണ്ടത് സര്‍ക്കാറി​ൻെറയും സമൂഹത്തി​ൻെറയും കടമയാണെന്ന് മന്ത്രി പറഞ്ഞു. ഒരു വീട് ഒരു യൂനിറ്റ് എന്ന രീതിയില്‍ കണക്കാക്കി ജില്ലയില്‍ 5973 വീടുകളാണുള്ളത്. ഇതില്‍ 3891 വീടുകളിലും ഓണ്‍ലൈന്‍ പഠനത്തിനുവേണ്ട സൗകര്യങ്ങളുണ്ട്. ഒരു കുട്ടിയെ ഒരു യൂനിറ്റായി കണക്കാക്കണമെന്നാണ് നിർദേശം. ആ വിധത്തില്‍ വിദ്യാഭ്യാസ വകുപ്പി​ൻെറ കണക്കനുസരിച്ച്​ ഓണ്‍ലൈന്‍ പഠന സൗകര്യമില്ലാത്ത 13,517 കുട്ടികളുണ്ട്. ഇതില്‍ 10,12 ക്ലാസുകളില്‍ പഠിക്കുന്ന എസ്.ടി കുട്ടികള്‍ മാത്രം 462 പേരുണ്ട്. ട്രൈബല്‍ വകുപ്പ്​ കണക്കനുസരിച്ച് ലാപ്‌ടോപ്​, ടാബ്​ ഇല്ലാത്ത ഒന്നു മുതല്‍ പ്ലസ് ടു വരെ ക്ലാസുകളിലെ 6448 കുട്ടികളുണ്ട്. പഠന ഉപകരണം ലഭ്യമാക്കുന്ന സഹകരണ വകുപ്പി​ൻെറ വിദ്യാതരംഗണി പദ്ധതിയില്‍ 3148 കുട്ടികള്‍ വായ്​പക്ക്​ അപേക്ഷിച്ചിട്ടുണ്ട്​. ഇതില്‍ 2078 പേര്‍ക്ക് വായ്​പ അനുവദിച്ചു. കൂടാതെ വ്യക്തിപരമായും സംഘടനപരമായും വിദ്യാർഥികള്‍ക്ക് ഫോണുകള്‍ നല്‍കുന്നുണ്ട്. ഇത് സംബന്ധിച്ച് പ്രാധാന അധ്യാപകര്‍ ഓരോ ആഴ്ചയും എത്ര കുട്ടികള്‍ക്ക് കൂടെ പഠന സൗകര്യം ആവശ്യമാണെന്ന കണക്ക് ഡി.ഡിക്ക്​ സമര്‍പ്പിക്കണം. ഡി.ഡി എല്ലാ ബുധനാഴ്ചയും ഇത് സംബന്ധിച്ച് റിപ്പോര്‍ട്ട് മന്ത്രിക്കും കലക്ടറിനും സമര്‍പ്പിക്കണം. എല്ലാ ശനിയാഴ്ചയും ഇത് അവലോകനം ചെയ്ത് ഓണ്‍ലൈനായി യോഗം ചേരുകയും എം.പിക്കും ജില്ലയിലെ എം.എല്‍.എമാര്‍ക്കും പട്ടികകൾ നല്‍കും. കലക്ടര്‍ ഷീബ ജോര്‍ജ് യോഗത്തിൽ അധ്യക്ഷതവഹിച്ചു. ജില്ല പഞ്ചായത്ത് പ്രസിഡൻറ്​ ജിജി കെ. ഫിലിപ്, എ.ഡി.എം ഷൈജു പി.ജേക്കബ്, വിദ്യാഭ്യാസ ഡെപ്യൂട്ടി ഡയറക്ടര്‍ ശശീന്ദ്രവ്യാസ്, വിവിധ ത്രിതല പഞ്ചായത്ത് പ്രസിഡൻറുമാര്‍, പ്രതിനിധികള്‍ തുടങ്ങിയവര്‍ പങ്കെടുത്തു. ​ ----------------------- ചെറുതോണി ബസ് സ്​റ്റാൻഡ്​ രണ്ടാംഘട്ട നിര്‍മാണം തുടങ്ങി ​ഇടുക്കി: ചെറുതോണി ബസ് സ്​റ്റാൻഡി​ൻെറ രണ്ടാം ഘട്ട നിര്‍മാണ ഉദ്ഘാടനവും ശിലാസ്ഥാപനവും മന്ത്രി റോഷി അഗസ്​റ്റിന്‍ നിര്‍വഹിച്ചു. ചെറുതോണി ടൗണി​ൻെറ വികസനത്തിനായുള്ള മുഖ്യഘടകമാണ് ബസ് സ്​റ്റാൻഡ്​. ജില്ല പഞ്ചായത്ത് വിഭാവനം ചെയ്ത മാതൃക നല്ലരീതിയില്‍ നടപ്പിലാക്കണമെന്ന്​ മന്ത്രി നിർദേശിച്ചു. മെഡിക്കല്‍ കോളജിലേക്കുള്ള ഗതാഗതം പ്രധാന റോഡ് വഴി ഉപയോഗിക്കാതെ സ്​റ്റാൻഡിൽനിന്ന്​ പ്രത്യേക പാതയിലൂടെ സൗകര്യം ഒരുക്കും. സ്​റ്റാൻഡിനും പ്രധാന റോഡിനും ഇടയിലൂടെ ഒഴുകുന്ന തോടി​ൻെറ ഇരുവശവും കെട്ടി നവീകരിച്ച്​ പാര്‍ക്കിങ്ങിനും മറ്റുമുള്ള സൗകര്യം ഒരുക്കാനുള്ള നടപടി സ്വീകരിക്കുമെന്നും മന്ത്രി പറഞ്ഞു. ആദ്യം അനുവദിച്ച 50 ലക്ഷത്തിന് പുറമെയാണ്​ 50 ലക്ഷം കൂടി അനുവദിച്ചത്. ജില്ല പഞ്ചായത്തി​ൻെറ ഷോപ്പിങ്​ കോംപ്ലക്സും ഇവിടെ പണിയുന്നുണ്ട്. ജില്ല പഞ്ചായത്ത് പ്രസിഡൻറ്​ ജിജി കെ.ഫിലിപ് അധ്യക്ഷതവഹിച്ചു. ജില്ല പഞ്ചായത്ത്​ അംഗം കെ.ജി. സത്യന്‍, ബ്ലോക്ക് പഞ്ചായത്ത്​ അംഗം ഡിറ്റാജ് ജോസഫ്, പഞ്ചായത്ത് സെക്രട്ടറി ബി. അനില്‍കുമാര്‍ വിവിധ രാഷ്​ട്രീയ സാമൂഹിക നേതാക്കള്‍ തുടങ്ങിയവര്‍ പങ്കെടുത്തു. --------- TDL CHERUTHONI BUS STAND ചെറുതോണി ബസ്​സ്​റ്റാൻഡ്​ രണ്ടാംഘട്ട നിര്‍മാണത്തി​ൻെറ ശിലാസ്ഥാപനം മന്ത്രി റോഷി അഗസ്​റ്റിൻ നിര്‍വഹിക്കുന്നു