ആമ്പർഗ്രീസ് കടത്ത്: പ്രതികളെ കസ്​റ്റഡിയിൽ വാങ്ങാൻ വനം വകുപ്പ്.

മൂന്നാർ: പഴയ മൂന്നാറിലെ ലോഡ്ജിൽനിന്ന് ആമ്പർഗ്രീസ് പിടികൂടിയ സംഭവത്തിൽ അന്വേഷണം തമിഴ്നാട്ടിലേക്ക് വ്യാപിപ്പിക്കുന്നു. അറസ്​റ്റിലായ പ്രതികളിലധികവും തമിഴ്നാട്ടുകാരാണ്​. മൂന്നാറിലെ വ്യവസായിക്ക് വിൽക്കാൻ കൊണ്ടുവന്നതാണെന്നായിരുന്നു പ്രതികളുടെ മൊഴി. ഇതനുസരിച്ച് ലോഡ്ജ് ഉടമയെയും അറസ്​റ്റ്​ ചെയ്തു. പിടിയിലായ ആറ് പ്രതികളും പീരുമേട് സബ് ജയിലിൽ റിമാൻഡിലാണ്. ഇവരെ കസ്​റ്റഡിയിൽ വിട്ടുകിട്ടാൻ മൂന്നാർ റേഞ്ച് ഓഫിസർ ഹരീന്ദ്രൻ ദേവികുളം കോടതിയിൽ അപേക്ഷ നൽകും. പ്രതികളുമായി തമിഴ്നാട്ടിലെത്തി തെളിവ് ശേഖരിക്കാനാണ് വനം വകുപ്പി​ൻെറ നീക്കം. കോടികളുടെ ഇടപാട് നിയന്ത്രിക്കുന്ന ലോബിയുടെ കണ്ണികൾ മൂന്നാറിൽ എത്തിയത് ഗൗരവത്തോടെയാണ് അധികൃതർ കാണുന്നത്.