പി.എസ്​.സി പരീക്ഷക്ക്​ അവസരം നഷ്​ടമായി; ഉദ്യോഗാർഥികൾ കോടതിയിലേക്ക്​

അടിമാലി: ജൂലൈ 29ന് പി.എസ്.സി നടത്തുന്ന ​െലെവ് സ്​റ്റോക്ക് ഇൻസ്പെക്ടർ പരീക്ഷ എഴുതാൻ കഴിയാതെ മൃഗസംരക്ഷണ വകുപ്പിലെ ജീവനക്കാർ. പി.എസ്.സി നൽകിയ നിർദേശപ്രകാരം രേഖകളെല്ലാം ഹാജരാക്കിയെങ്കിലും ഓൺ​െലെൻ വഴി ​െഫെനൽ കൻഫർമേഷൻ നൽകിയില്ലെന്നതാണ് ഇവർക്ക്​ അവസരം നഷ്​ടപ്പെടാൻ കാരണം. പി.എസ്.സി അധികൃതർ ആവശ്യപ്പെട്ട രേഖകൾ വകുപ്പ് മേധാവികൾ സാക്ഷ്യപ്പെടുത്തി ജില്ല പി.എസ്.സി ഓഫിസിൽ നൽകിയിരുന്നു. പരീക്ഷ സംബന്ധിച്ച വിശദാംശങ്ങൾ അറിയിക്കുമെന്നും പറഞ്ഞിരുന്നു. അതിനാൽ മറ്റ്​ വിവരങ്ങൾ ഉ​േദ്യഗാർഥികൾ തേടിയിരുന്നില്ല. അഡ്മിഷൻ ടിക്കറ്റുകൾ എടുക്കാൻ പറ്റാതെവന്ന​േപ്പാഴാണ് പരീക്ഷതീയതി പ്രഖ്യാപിച്ചതും തങ്ങൾ വെട്ടിലായ വിവരവും ജീവനക്കാർ അറിയുന്നത്. വി.എച്ച്്​.എസ്.​സി യോഗ്യതയുള്ളവർക്കൊപ്പം മൃഗസംരക്ഷണ വകുപ്പ്​ ജീവനക്കാർക്കും എഴുതാൻ കഴിയുന്നതാണ്​ പരീക്ഷ. 50 ശതമാനം ഒഴിവ് ഇവർക്കായി നീക്കി വെക്കുകയും ചെയ്തിട്ടുണ്ട്​. എന്നാൽ, പി.എസ്.സിയുടെ നിരുത്തരവാദ നടപടി തങ്ങളുടെ അവസരം നഷ്​ടപ്പെടുത്തിയെന്ന്​ ഇവർ പറയുന്നു. ഇതിനെ കോടതിയിൽ ചോദ്യംചെയ്യാൻ ഒരുങ്ങുകയാണ്​ ഉ​േദ്യഗാർഥികൾ.