പീരുമേട്ടിൽ കനത്ത മഴയും കാറ്റും

പീരുമേട് : ഹൈറേഞ്ചിൽ കനത്ത മഴ തുടരുന്നു. പീരുമേട്, ഏലപ്പാറ, പെരുവന്താനം തുടങ്ങിയ സ്ഥലങ്ങളിലെല്ലാം മഴയും കാറ്റും കൃഷിക്ക് വലിയ നാശമാണ്​ ഉണ്ടാക്കുന്നത്​. പലയിടങ്ങളിലും ഏലം കൃഷി കാറ്റിൽ ഒടിഞ്ഞു നശിച്ചു. മരങ്ങൾ ഒടിഞ്ഞുവീണും വ്യാപക കൃഷി നാശം ഉണ്ടായി. ദേശീയപാതയിൽ കടുവാപ്പാറ പീരുമേട് എന്നിവിടങ്ങളിൽ മണ്ണിടിച്ചിൽ ഉണ്ടായി. മഴ കനത്തതോടെ മലയോര ഹൈവേയുടെ നിർമാണം നടക്കുന്ന കുട്ടിക്കാനം - കട്ടപ്പന റൂട്ടിൽ ഗതാഗതം ദുഷ്കരമായിട്ടുണ്ട്​.