പ്രതിസന്ധിയില്‍ നട്ടംതിരിഞ്ഞ് ലൈറ്റ് ആൻഡ്​ സൗണ്ട്, ഡെക്കറേഷന്‍ മേഖല

അടിമാലി: ലോക്​ഡൗണ്‍ തീര്‍ത്ത പ്രതിസന്ധിയില്‍നിന്ന്​ കരകയറാനാവാതെ നട്ടംതിരിയുകയാണ് ലൈറ്റ് ആൻഡ്​ സൗണ്ട്, ഹയറിങ്​ ഡെക്കറേഷന്‍ മേഖലയില്‍ തൊഴിലെടുത്തിരുന്നവരും ഉടമകളും. കോവിഡിലും ലോക്​ഡൗണിലും തട്ടി ഉത്സവ ആഘോഷങ്ങളും പൊതുപരിപാടികളും ഇല്ലാതായതോടെ ഇവരുടെ വരുമാനം നിലച്ചു. കഴിഞ്ഞ ഒന്നരവര്‍ഷമായി സമാനതകളില്ലാത്ത പ്രതിസന്ധിയിലൂടെയാണിവര്‍ കടന്നുപോകുന്നത്. വലിയ തുക മുടക്കി വാങ്ങിയ സാധനസാമഗ്രികള്‍ പലതും പ്രവര്‍ത്തനക്ഷമമല്ലാതായിത്തുടങ്ങി. വലിയ ജനറേറ്റുകള്‍ ഉള്‍പ്പെടെ തുരുമ്പെടുത്ത് നശിക്കുകയാണ്​. മേശ, കസേര, പാത്രങ്ങള്‍ തുടങ്ങിയവ വാടകക്ക് നല്‍കിയിരുന്നവരുടെ അവസ്ഥയും വിഭിന്നമല്ല. സര്‍ക്കാര്‍ സഹായവും ഇളവുകളും ലഭിച്ചില്ലെങ്കില്‍ സ്ഥിതി കൂടുതല്‍ സങ്കീര്‍ണമാകുമെന്ന് ഈ മേഖലയിലുള്ളവര്‍ പറയുന്നു. തദ്ദേശ, നിയമസഭ ​െതരഞ്ഞെടുപ്പുകളുടെ ഭാഗമായി ലഭിച്ച പ്രചാരണ പരിപാടികളാണ് പലര്‍ക്കും ഇടക്ക്് ലഭിച്ചൊരു ആശ്വാസം. ഈ മേഖലയില്‍ ഉള്ളവരെ രക്ഷിക്കുവാന്‍ സര്‍ക്കാറി​ൻെറ പ്രത്യേക ഇടപെടലെന്ന ആവശ്യമാണ്​ ഇവര്‍ മുമ്പോട്ടു​െവക്കുന്നത്​.