ചെള്ളല്‍ കോളനി നിവാസികൾ പറഞ്ഞുതരും വൃത്തിയുടെ നല്ലപാഠങ്ങള്‍

തൊടുപുഴ: ആകെപ്പാടെയുള്ളത്​ അഞ്ചുസൻെറ്​ സ്ഥലമാണ്​. പിന്നെ അതിലെങ്ങനെയാ മാലിന്യ സംസ്‌കരണവും വളമുണ്ടാക്കലുമൊക്കെ നടക്കുക. കുറച്ചുകൂടി സ്ഥലമുണ്ടായിരുന്നെങ്കില്‍ നോക്കാമായിരുന്നു. ഇതൊക്കെ പുറപ്പുഴ പഞ്ചായത്തിലെ നെടിയശാല ചെള്ളല്‍ കോളനിക്കാരോടാണ് പറയുന്നതെങ്കില്‍ അവര്‍ സമ്മതിക്കില്ല, കാരണം നാല് സൻെറുകാരായ ഈ കോളനിവാസികളെല്ലാം വീടുകളിലെ ഭക്ഷണാവശിഷ്​ടവും മറ്റും സംസ്‌കരിച്ച് നല്ല വളമുണ്ടാക്കുന്നവരാണ്. ഇവിടുത്തെ താമസക്കാരിയും ഹരിതകര്‍മ സേനാംഗവുമായ പൊട്ടന്‍പ്ലാക്കല്‍ ബിജിമോളാകട്ടെ ജൈവവളം വിൽക്കാനും തുടങ്ങി. സ്ഥലസൗകര്യത്തിലൊന്നും ഒരു കാര്യവുമില്ലെന്നാണ് കോളനിക്കാരുടെ പക്ഷം. 35 വര്‍ഷത്തോളം പഴക്കമുള്ളതാണ് ഈ കോളനി. ഉപയോഗിച്ചശേഷം വലിച്ചെറിയുകയായിരുന്നു ഇവിടെയും ശീലം. എന്നാൽ, ഇന്ന് വൃത്തിയുടെ കോളനിയായി മാറിയിരിക്കുകയാണ് ചെള്ളല്‍. പരിസരത്തൊന്നും വലിച്ചെറിഞ്ഞ നിലയില്‍ ഒന്നും കാണാനില്ല. പ്ലാസ്​റ്റിക്കും മറ്റും ഹരിതകര്‍മസേനക്ക്​ നല്‍കും. യൂസര്‍ഫീയും കൃത്യമായി കൊടുക്കും. ഭക്ഷണമാലിന്യം ഉൾപ്പെടെ ബയോപോട്ടുപയോഗിച്ച് മികച്ച വളമാക്കും. വാര്‍ഡ്​ അംഗം സിനി ജസ്​റ്റിനാണ്​ വാര്‍ഡിലെ എല്ലാ വീടുകളിലും ജൈവമാലിന്യ സംസ്‌കരണ സംവിധാനമെത്തിച്ചത്. പി.ജെ. ജോസഫ് എം.എൽ.എ ഇടപെട്ടായിരുന്നു ബയോപോട്ടുകള്‍ സൗജന്യമായി നല്‍കിയത്. ബയോപോട്ടുകളിലിടുന്ന ജൈവ മാലിന്യം സാധാരണനിലയില്‍ 35 ദിവസം കൊണ്ട് നല്ല വളമായി മാറും. ഇവയുടെ ഗുണനിലവാരം അതിശയപ്പെടുത്തുന്നതായി ബിജിമോള്‍ പറയുന്നു. പച്ചക്കറിക്ക​ും മറ്റ് കൃഷികള്‍ക്കുമൊക്കെയിട്ടപ്പോള്‍ വളര്‍ച്ച ശരവേഗത്തിലായി. ഉപയോഗശേഷം മിച്ചംവന്ന 30 കിലോയോളം വളം കിലോക്ക്​ 30 രൂപ നിരക്കില്‍ കച്ചവടമുറപ്പിച്ചതി​ൻെറ സന്തോഷത്തിലാണ് ബിജി. വെറുതെ വലിച്ചെറിയാതെയിരുന്നാല്‍ എല്ലാ മാലിന്യവും പണമാണെന്നാണ് ബിജിമോളുടെ നിലപാട്. --------- ​TDL BIOPOT കോളനി നിവാസിയും ഹരിതകര്‍മ സേനാംഗവുമായ ബിജിമോള്‍ വീട്ടിലെ ബയോപോട്ടില്‍ ഭക്ഷണാവശിഷ്​ടം നിക്ഷേപിക്കുന്നു ----------------- കിഡ്നി രോഗികൾക്ക്​ ദുരിതാശ്വാസ കിറ്റ് വിതരണം തൊടുപുഴ: ബ്ലോക്ക് പഞ്ചായത്ത് കിഡ്നി പേഷ്യൻസ് വെൽഫെയർ സൊസൈറ്റി നേതൃത്വത്തിൽ കോവിഡ് മൂലം ദുരിതമനുഭവിക്കുന്ന കിഡ്നി രോഗികൾക്കുള്ള ദുരിതാശ്വാസ കിറ്റ് വിതരണം ചെയ്​തു. സൊസൈറ്റി പ്രസിഡൻറ്​ ലീലാമ്മ ജോസ് അധ്യക്ഷതവഹിച്ച യോഗം ബ്ലോക്ക് പഞ്ചായത്ത് പ്രസിഡൻറ്​ ട്രീസ ജോസ് ഉദ്ഘാടനം ചെയ്​തു. രോഗികളുടെ ആശ്രിതർക്ക് സൗജന്യ തൊഴിൽ പരിശീലനം, ഡയാലിസിസ് ധനസഹായം, മെഡിക്കൽ പരിശോധന കൗൺസിലിങ്​​ തുടങ്ങിയ സഹായങ്ങൾ നൽകിവരുന്നു. ബ്ലോക്ക് പഞ്ചായത്ത് വൈസ് പ്രസിഡൻറ്​ എൻ.കെ. ബിജു, മേഴ്സി ദേവസ്യ ബീന ജോർജ്, കെ.എസ്. എസ്.പി.യു കാരിക്കോട് യൂനിറ്റ്​ പ്രസിഡൻറ് എ.ടി. ദേവസ്യ ,പി.വി. ജോസ്, ജോ അഗസ്​റ്റിൻ, ആമിന സണ്ണി, എം.ടി. തങ്കച്ചൻ, ഇസ്മായിൽ, ശിവനുണ്ണി, ബ്ലോക്ക് പഞ്ചായത്ത് അംഗം സുനി സാബു ,ജോസഫ് മുല്ല​ശ്ശേരി തുടങ്ങിയവർ സംസാരിച്ചു. TDL KIT കിഡ്നി രോഗികൾക്കുള്ള ദുരിതാശ്വാസ കിറ്റ് വിതരണത്തോടനുബന്ധിച്ച്​ നടന്ന യോഗം ബ്ലോക്ക് പഞ്ചായത്ത് പ്രസിഡൻറ്​ ട്രീസ ജോസ് ഉദ്ഘാടനം ചെയ്യുന്നു