ഷാര്‍ജയില്‍ മരിച്ച വിഷ്ണുവി​െൻറ മൃതദേഹം ഇന്ന്്് നാട്ടിലെത്തിക്കും

ഷാര്‍ജയില്‍ മരിച്ച വിഷ്ണുവി​ൻെറ മൃതദേഹം ഇന്ന്്് നാട്ടിലെത്തിക്കും സംസ്​കാരം വ്യാഴാഴ്​ച നെടുങ്കണ്ടം: ഷാര്‍ജയില്‍ മരിച്ച വിഷ്ണുവി​ൻെറ മൃതദേഹം വ്യാഴാഴ്്്ച രാവിലെ 6.30ന് നെടുമ്പാശ്ശേരിയിലെത്തിക്കും. കരുണാപുരം പഞ്ചായത്ത് അധികൃതര​ും ബന്ധുക്കളും നെടുമ്പാശ്ശേരിയി​ലെത്തി മൃതദേഹം ഏറ്റുവാങ്ങും. വ്യാഴാഴ്ച ഉച്ചക്ക് രണ്ടിന് വീട്ടുവളപ്പില്‍ സംസ്‌കരിക്കും. കുടുംബത്തി​ൻെറ അത്താണി നഷ്​ടപ്പെട്ടതിനൊപ്പം, മൃതദേഹം നാട്ടിലെത്താന്‍ വൈകിയത്് പ്രിയപ്പെട്ടവരെ നൊമ്പരപ്പെടുത്തിയിരുന്നു. തുടര്‍ന്ന്്് ഷാര്‍ജയിലെ ലോക കേരള സഭാംഗം കെ.എന്‍. കുഞ്ഞുമുഹമ്മദ്, ഷാര്‍ജയിലെ മലയാളി സംഘടനയായ മാസ് എന്നിവരുടെ ശ്രമഫലമായാണ്​ മൃതദേഹം നാട്ടിലെത്തിക്കുന്നത്. ഷാര്‍ജ അബു ഷഗാറയില്‍ ജോലിചെയ്തുവരുകയായിരുന്ന തെക്കേ കൂട്ടാര്‍ സ്വദേശി തടത്തില്‍ പി.കെ. വിജയ​ൻെറ മകന്‍ വിഷ്ണു കഴിഞ്ഞമാസം 15നാണ് മരണപ്പെട്ടത്. താമസസ്ഥലത്ത്് ആഫ്രിക്കന്‍ സ്വേദശികള്‍ തമ്മിലുണ്ടായ സംഘര്‍ഷത്തിനിടയിൽനിന്ന്​ രക്ഷപ്പെടുന്നതിനിടയില്‍ കെട്ടിടത്തില്‍നിന്ന് വീഴുകയായിരുന്നുവെന്നാണ് ഷാര്‍ജ പൊലീസ് പറയുന്നത്. നല്ലൊരു വീടെന്ന സ്വപ്​നത്തിനായാണ് വിഷ്ണു ഗള്‍ഫിലേക്ക് പോയത്. പിതാവ് അസുഖബാധിതനായതോടെ, കുടുംബത്തി​ൻെറ ഉത്തരവാദിത്തം മുഴുവന്‍ വിഷ്ണു ചുമലിലേറ്റി. ഇത്തവണത്തെ അവധിക്ക് എത്തുമ്പോള്‍ വീട് നിര്‍മിക്കാനായിരുന്നു ലക്ഷ്യം. എല്ലാ സ്വപ്‌നങ്ങളും പാതിവഴിയില്‍ ഉപേക്ഷിച്ചാണ് വിഷ്ണു മടങ്ങിയത്. നിര്‍ധന കുടുംബത്തിനാവശ്യമായ എല്ലാ സഹായങ്ങളും കേരള പ്രവാസി സംഘം ചെയ്യുമെന്ന്്് ജില്ല സെക്രട്ടറി ഇ.കെ. രാജപ്പന്‍ അറിയിച്ചു.