സംഘർഷത്തിനിടെ യുവാവിന് വെട്ടേറ്റു

തൊടുപുഴ: പന്നിമറ്റത്ത് സംഘർഷത്തിനിടെ പെരുമ്പാവൂർ സ്വദേശിയായ യുവാവിന് വെട്ടേറ്റു. കൈക്ക്​ സാരമായി പരിക്കേറ്റ ഇയാൾ കോട്ടയം മെഡിക്കൽ കോളജിൽ ചികിത്സയിലാണ്. ഞായറാഴ്​ച പുലർച്ച രണ്ടുമണിയോടെയായിരുന്നു സംഭവം. സംഘർഷത്തിൽ പരിക്കേറ്റ യുവാവ് സമീപത്തെ വീട്ടിൽ ഓടിക്കയറുകയായിരുന്നു. വീട്ടുകാർ വിവരമറിയിച്ചതിനെ തുടർന്ന് തൊടുപുഴ പൊലീസാണ് ആശുപത്രിയിലെത്തിച്ചത്. പിന്നീട് വിദഗ്ധ ചികിത്സക്കായി കോട്ടയം മെഡിക്കൽ കോളജ്​ ആശുപത്രിയിലേക്ക് കൊണ്ടുപോയി. തിങ്കളാഴ്​ച ആശുപത്രിയിലെത്തി യുവാവി​ൻെറ മൊഴിയെടുത്തശേഷം കേസെടുക്കുമെന്ന് തൊടുപുഴ എസ്.ഐ ബൈജു പി.ബാബു പറഞ്ഞു.