അഞ്ച്​ പഞ്ചായത്തിലെ പ്ലാസ്​റ്റിക് പാഴ് വസ്തുക്കള്‍ നാടുനീങ്ങുന്നു

* ഇരട്ടയാറില്‍നിന്ന്​ 103 സാരിച്ചാക്കുകളിലായി കൈമാറിയത് ഒരുടണ്‍ പാഴ്വസ്തുക്കള്‍ തൊടുപുഴ: ജില്ലയിൽ ക്ലീന്‍ കേരള കമ്പനിയുമായി കരാര്‍ വെച്ച അഞ്ച് പഞ്ചായത്തിലെ അജൈവ പാഴ്വസ്തുക്കളും നാടുനീങ്ങി. ഇരട്ടയാര്‍, കാഞ്ചിയാര്‍, ഉപ്പുതറ, ഏലപ്പാറ, വാത്തിക്കുടി പഞ്ചായത്തുകളിലെ ഹരിതകര്‍മസേന വീടുകളില്‍നിന്നും കടകളില്‍നിന്നുമായി ശേഖരിച്ച നാലര ടണ്ണിലേറെ വരുന്ന പ്ലാസ്​റ്റിക്​ പാഴ്വസ്തുക്കളാണ് ക്ലീന്‍ കേരള കമ്പനി കൊണ്ടുപോയത്. ഇരട്ടയാര്‍ പഞ്ചായത്തില്‍നിന്ന്​ 103 സാരിച്ചാക്കുകളിലായി ഒരു ടണ്‍ പാഴ്വസ്തുക്കളാണ് മാറ്റിയത്​. ഇവിടുത്തെ ഹരിതകര്‍മസേന വീടുകളില്‍ നിന്ന്​ ശേഖരിച്ച ഉപയോഗിക്കാത്ത സാരികള്‍ കൊണ്ടുണ്ടാക്കിയ ചാക്കുകളിലാണ് പഞ്ചായത്തിലെ മെറ്റീരിയല്‍ കലക്​ഷന്‍ സൻെററിൽ പാഴ്വസ്തുക്കള്‍ സൂക്ഷിച്ചിരുന്നത്. ഏലപ്പാറ ഒന്നര ടണ്‍, കാഞ്ചിയാര്‍ ഒരു ടണ്‍, വാത്തിക്കുടി 300 കിലോ, ഉപ്പുതറ ഒരു ടണ്‍ എന്നിങ്ങനെയാണ് പാഴ് വസ്തുക്കള്‍ കമ്പനി ഏറ്റെടുത്തത്. ​ TDL106 malinyam ഇരട്ടയാറില്‍നിന്ന്​ അജൈവ പാഴ്വസ്തുക്കള്‍ സാരിച്ചാക്കുകളിലാക്കി ലോറിയില്‍ കയറ്റുന്ന ഹരിതകര്‍മസേന അംഗങ്ങള്‍