ഇന്ധന വിലവര്‍ധക്കെതിരെ സി.പി.ഐ ഉപരോധം

നെടുങ്കണ്ടം: ഇന്ധന വിലവര്‍ധനവില്‍ പ്രതിഷേധിച്ച് സി.പി.ഐ ഉടുമ്പന്‍ചോല നിയോജക മണ്ഡലം കമ്മിറ്റിയുടെ നേതൃത്വത്തില്‍ നെടുങ്കണ്ടം ഹെഡ് പോസ്​റ്റ്​ ഓഫിസിനുമുന്നില്‍ ഉപരോധസമരം സംഘടിപ്പിച്ചു. മേഖലയിലെ 10 കേന്ദ്രങ്ങളില്‍ പ്രവര്‍ത്തകരുടെ നേതൃത്വത്തില്‍ ധര്‍ണകളും പ്രതിഷേധയോഗങ്ങളും നടന്നു. നെടുങ്കണ്ടം ഹെഡ് പോസ്​റ്റ്​ ഓഫിസിന് മുന്നില്‍ സി.പി.ഐ മണ്ഡലം അസി. സെക്രട്ടറി എസ്. മനോജ് ഉദ്ഘാടനം ചെയ്തു. പി.കെ. സദാശിവന്‍ അധ്യക്ഷത വഹിച്ചു. മണ്ഡലം കമ്മിറ്റിയുടെ നേതൃത്വത്തില്‍ തൂക്കുപാലം, എഴുകുംവയല്‍ തുടങ്ങി പത്ത് കേന്ദ്രങ്ങളിലായിരുന്നു സമരം.