ആദിവാസി മേഖലയിൽ കിറ്റ്​ വിതരണത്തി​െൻറ മറവിൽ വെട്ടിപ്പ്

ആദിവാസി മേഖലയിൽ കിറ്റ്​ വിതരണത്തി​ൻെറ മറവിൽ വെട്ടിപ്പ് ചെറുതോണി: ആദിവാസി മേഖലയിൽ കിറ്റ് വിതരണത്തി​ൻെറ മറവിൽ വൻ വെട്ടിപ്പ്. പട്ടയക്കുടി അംബേദ്കർ കോളനിയിലാണ് പാവപ്പെട്ട ആദിവാസികളിൽനിന്ന്​ കോവിഡി​ൻെറ മറവിൽ പണം പിരിച്ചെടുക്കുന്നത്. വണ്ണപ്പുറം, കഞ്ഞിക്കുഴി പഞ്ചായത്തുകളിലെ അതിർത്തി പ്രദേശമാണ് ആദിവാസികൾ തിങ്ങിപ്പാർക്കുന്ന പട്ടയക്കുടി അംബേദ്കർ കോളനി. ആദിവാസി കുടുംബങ്ങൾക്ക്​ പട്ടികവർഗ വകുപ്പിൽനിന്ന്​ അരിയുൾപ്പെടെ 18 നിത്യോപയോഗ സാധനങ്ങൾ അടങ്ങിയ കിറ്റുകൾ വിതരണം ചെയ്യുന്നുണ്ട്. പ്രമോട്ടറുടെ നേതൃത്വത്തിലാണ്​ ഇവ എത്തിച്ചുകൊടുക്കുന്നത്​. കിറ്റുകൾ ഓരോ വീട്ടിലും എത്തിക്കുന്നതിനു വണ്ടിക്കൂലി സഹിതം പട്ടിവർഗ വകുപ്പ്​ കൊടുക്കുന്നുണ്ട്​. എന്നാൽ, കിറ്റ്​ എത്തിച്ചു കൊടുക്കുന്നതി​ൻെറ പേരിൽ വണ്ടിക്കൂലിയിനത്തിൽ 30 രൂപ വീതം ഓരോ വീട്ടിൽനിന്ന്​ വാങ്ങുന്നതായി ആദിവാസികൾ പറയുന്നു. ജോലിയും കൂലിയുമില്ലാതെ പുരുഷന്മാരടക്കം വീട്ടിലിരിക്കുന്നവർ 30 രൂപ കൊടുത്ത്​ കിറ്റുകൾ വാങ്ങാൻ പ്രയാസപ്പെടുകയാണ്. പട്ടയക്കുടി അം​േബദ്കർ കോളനിയുടെ പരിധിയിൽ വരുന്ന ആനക്കുഴി, വഞ്ചിക്കല്ല് മണ്ണാങ്കാവ് ഏണിത്താഴം, എടത്തല തുടങ്ങിയ പ്രദേശത്തുള്ള കുടുംബങ്ങൾക്ക് വീടിലെത്തിച്ചുകൊടുക്കുന്നതിന് വണ്ടിക്കൂലി സഹിതമാണ് ട്രൈബൽ ഓഫിസിൽനിന്ന് കിറ്റുകൾ നൽകുന്നത്. എന്നാൽ, ഭൂരിപക്ഷം പേർക്കും വീട്ടിലെത്തിക്കാതെ കമ്യൂണിറ്റി ഹാളിൽ ​െവച്ച് വിതരണം ചെയ്യുന്നതായും ആരോപണമുണ്ട്. ഊരാളി സമുദായത്തിൽപ്പെട്ട 350 കുടുംബങ്ങളാണ് ഇവിടെയുള്ളത്​. 30 രൂപ വണ്ടിക്കൂലിയിനത്തിൽ നൽകാത്തവർക്ക്​ യഥാസമയം കിറ്റ്​ ലഭിക്കുന്നില്ലെന്നും പരാതിയുണ്ട്​.