നാടും വീടും ശുചീകരിക്കണം​

തൊടുപുഴ: ജനങ്ങളുടെ ആരോഗ്യ സുരക്ഷ ഉറപ്പുവരുത്തുന്നതിന്​ ശനി, ഞായർ ദിവസങ്ങളിലെ മഴക്കാലപൂർവ ശുചീകരണ പ്രവർത്തങ്ങളിൽ പങ്കാളികളായി നാടുംവീടും ശുചീകരിക്കണമെന്ന്​ തൊടുപുഴ നഗരസഭ ചെയർമാൻ സനീഷ് ജോർജ്​ അഭ്യർഥിച്ചു. എല്ലാ വാർഡുകളിലും ജനപ്രതിനിധികൾ നേതൃത്വം നൽകും​. കോവിഡ് മാനദണ്ഡങ്ങൾ പാലിച്ച് അഞ്ചുപേരിൽ കൂടാത്ത ചെറുസംഘങ്ങളായി തിരിഞ്ഞാകും ശുചീകരണം. 20 മുതൽ 25 വരെ വീടുകൾ ഉൾപ്പെടുന്ന ചെറുയൂനിറ്റുകളായി ഓരോ വാർഡിനെയും വിഭജിച്ച് ഓരോ പ്രദേശത്തും താമസിക്കുന്നവർ അവരവരുടെ വീടും പരിസരവും പൊതുഇടങ്ങളും ​ശുചീകരിക്കണം. ശേഖരിക്കുന്ന മാലിന്യങ്ങൾ സുരക്ഷിതമായി നീക്കുന്നതിനും സംസ്​കരിക്കുന്നതിനും ആവശ്യമായ നടപടികൾ നഗരസഭ സ്വീകരിച്ചിട്ടുണ്ട്​ -ചെയർമാൻ പറഞ്ഞു.