കാർഷിക മേഖലക്ക്​ അർഹമായ പരിഗണന നൽകിയില്ല- പി.ജെ. ജോസഫ്​

തൊടുപുഴ: ബജറ്റിൽ കാർഷിക മേഖലക്ക്​ അർഹമായ പരിഗണന നൽകിയിട്ടില്ലെന്ന് കേരള കോൺഗ്രസ് ചെയർമാൻ പി.ജെ. ജോസഫ് എം.എൽ.എ പറഞ്ഞു. വ്യാപാര മേഖലക്ക്​ ഉത്തേജക പാക്കേജ് ഉണ്ടാകേണ്ടതായിരുന്നു. വായ്പ പദ്ധതികളാണ് പൊതുവെ പറഞ്ഞത്. ടൂറിസം സർക്യൂട്ട് നിശ്ചയിച്ചപ്പോൾ മധ്യകേരളം തഴയപ്പെട്ടു. കുമരകം, തേക്കടി, മൂന്നാർ സർക്യൂട്ട് വിട്ടുകളഞ്ഞത് ശരിയായില്ല. കാർഷിക- വ്യവസായിക മേഖലകൾക്ക് ഉണർവുണ്ടാകുന്ന നിർദേശങ്ങൾ ഒന്നും ബജറ്റിൽ ഇല്ലെന്നും ജോസഫ് പറഞ്ഞു. പൗരത്വ നിഷേധം: പി.ഡി.പി സമരം ഇന്ന്​ തൊടുപുഴ: മതാടിസ്ഥാനത്തിൽ പൗരത്വം നൽകുന്നതിനുള്ള കേന്ദ്ര സർക്കാർ നീക്കം ഉപേക്ഷിക്കുക, ഭരണഘടന സംരക്ഷിക്കുക എന്നീ ആവശ്യങ്ങൾ ഉന്നയിച്ച്​ പി.ഡി.പി സംസ്ഥാന കമ്മിറ്റി പ്രഖ്യാപിച്ച രണ്ടാംഘട്ട പ്രക്ഷോഭം അഞ്ചിന്​ ജില്ലയിലെ വിവിധ കേന്ദ്രങ്ങളിൽ നടക്കുമെന്ന്​ ജില്ല സെക്രട്ടറി നജീബ് കളരിക്കൽ അറിയിച്ചു.