ജനവാസകേന്ദ്രത്തിൽ പുലിയിറങ്ങിയെന്ന്​ അഭ്യൂഹം

പീരുമേട്: പാമ്പനാറിന് സമീപം റാണിക്കോവിൽ-കീരിക്കര റോഡിൽ പുലിയെ കണ്ടതായി അഭ്യൂഹം. വെള്ളിയാഴ്ച വൈകീട്ട്​ ഇരുചക്രവാഹന യാത്രക്കാരനാണ് പുലിയെ കണ്ടതായി അറിയിച്ചത്. ഏതാനും മാസം മുമ്പും റാണിക്കോവിലിൽ പുലിയെ കണ്ടതായി സമീപവാസികൾ പറഞ്ഞിരുന്നു. പ്രദേശത്ത്​ വനം വകുപ്പ് അധികൃതരെത്തി പരിശോധന നടത്തി കാമറയും കൂടും സ്ഥാപിച്ചു. വാഴൂർ സോമൻ എം.എൽ.എയും സ്ഥലം സന്ദർശിച്ചു.