പൾസ് ഓക്സിമീറ്റർ കൈമാറി

കട്ടപ്പന: സൻെറ്​ ജോർജ് ഹയർ സെക്കൻഡറി സ്കൂളിലെ അധ്യാപകരും വിദ്യാർഥികളും ചേർന്ന് നഗരസഭക്ക്​ 34 പൾസ് ഓക്സിമീറ്ററുകൾ​ കൈമാറി. സ്കൂൾ പ്രിൻസിപ്പൽ ജീമോൻ ജേക്കബ് നഗരസഭ അധ്യക്ഷ ബീന ജോബിക്ക്​ ഉപകരണങ്ങൾ നൽകി. ലോക്ഡൗൺ പശ്ചാത്തലത്തിൽ വിദ്യാർഥികളിൽനിന്ന്​ ഓൺലൈനായാണ് തുക സമാഹരിച്ചത്. വരുംദിവസം കട്ടപ്പനയിലെ അഗതിമന്ദിരങ്ങളിലും ഓക്സിമീറ്ററുകൾ നൽകുമെന്ന് പ്രിൻസിപ്പൽ പറഞ്ഞു. ഹൈറേഞ്ച് മോട്ടോർ തൊഴിലാളി അസോസിയേഷൻ പത്ത് ഓക്സിമീറ്ററുകളാണ് നൽകിയത്​. അസോസിയേഷൻ പ്രസിഡൻറ്​ പി.കെ. ഗോപി, സെക്രട്ടറി എം.കെ. ബാലചന്ദ്രൻ, ട്രഷറർ ലൂക്കാ ജോസഫ് എന്നിവർ ഉപകരണങ്ങൾ അധ്യക്ഷക്ക്​ കൈമാറി.