കട്ടപ്പന നഗരസഭ അഞ്ചുലക്ഷം രൂപ ദുരിതാശ്വാസനിധിയിലേക്ക്​ നൽകി

കട്ടപ്പന: മുഖ്യമന്ത്രിയുടെ ദുരിതാശ്വാസനിധിയിലേക്ക്​ അഞ്ചുലക്ഷം രൂപ നൽകി കട്ടപ്പന നഗരസഭ. തനത് ഫണ്ടിൽനിന്നാണ് തുക കണ്ടെത്തിയത്. നഗരസഭ വാക്​സിൻ ചലഞ്ചിൽ പങ്കെടുക്കുന്നില്ലെന്ന ആരോപണവുമായി എൽ.ഡി.എഫ് കൗൺസിലർമാർ രംഗത്തുവന്നിരുന്നു. തുക നൽകണമെന്ന് ആവശ്യപ്പെട്ട് ഇവർ ചെയർപേഴ്​സന്​​​ കത്തും നൽകി. ഇതിന് പിന്നാലെയാണ് തുക നൽകാൻ തീരുമാനിച്ചത്.