ജില്ലയിൽ വ്യാജമദ്യ-ലഹരി മാഫിയ സജീവം

അടിമാലി: ജില്ലയിൽ വ്യാജമദ്യ-ലഹരി മാഫിയ സജീവമാകുന്നു. അന്തർ സംസ്ഥാന തൊഴിലാളിക​െളയും കൗമാരക്കാരെയുമാണ് കഞ്ചാവ് മാഫിയ ലക്ഷ്യമിടുന്നത്. കോവിഡ് വ്യാപനം കൂടിയതോടെ ബാറുകളും സര്‍ക്കാര്‍ മദ്യശാലകളും അടച്ച സാഹചര്യത്തിലാണ്​ മാഫിയയുടെ പ്രവര്‍ത്തനം. ഒരുമാസത്തിനിടെ ഹൈറേഞ്ചി​ൻെറ വിവിധ ഭാഗങ്ങളില്‍നിന്നായി 10,000 ലിറ്ററിനുമുകളില്‍ കോട പിടികൂടി നശിപ്പിച്ചിരുന്നു. ചില ചാരായവാറ്റുകാരെയും എക്‌സൈസും പൊലീസും പിടികൂടിയിരുന്നു. മിക്കയിടങ്ങളിലും ലോക്​ഡൗണി​ൻെറ മറവിൽ വ്യാജമദ്യ നിര്‍മാണം എല്ലാ മേഖലയിലും തകൃതിയായി നടക്കു​െന്നന്നാണ് വിവരം. നേര​േത്ത മദ്യവില്‍പന നടത്തിയിരുന്നവരില്‍ ഒരുവിഭാഗം കഞ്ചാവ്, മയക്കുമരുന്ന് രംഗത്തേക്ക് ഇറങ്ങിയിട്ടുണ്ട്. മിക്കവരും സംഘങ്ങളായി തിരിഞ്ഞ്​ ചെറിയ അളവിലാണ്​ കച്ചവടം നടത്തുന്നത്​. ​കഞ്ചാവ് നാലും അഞ്ചും ഗ്രാമുള്ള പൊതികളാക്കി വിറ്റഴിക്കുന്നതിലൂടെ വലിയ ലാഭം സംഘങ്ങള്‍ക്ക് കിട്ടുന്നു. ചില്ലറ വില്‍പന നടത്തുന്ന സംഘങ്ങള്‍ക്ക് പുറത്തുനിന്ന്​ വരുന്ന ആള്‍ക്കാരെ എത്തിക്കുന്നതിന് ഏജൻറുമാരുമുണ്ട്. മൊത്തക്കച്ചവടക്കാര്‍ ആന്ധ്ര, കര്‍ണാടക, തെലങ്കാന, തമിഴ്‌നാട് തുടങ്ങിയ സംസ്ഥാനങ്ങളില്‍നിന്നുമാണ് കഞ്ചാവും മറ്റുമയക്കുമരുന്നും എത്തിക്കുന്നത്. ജില്ലയില്‍ ചിലയിടങ്ങളില്‍ ഇപ്പോഴും കഞ്ചാവുകൃഷി നടക്കുന്നുമുണ്ട്. ലോക്​ഡൗണിനിടെ 250 കഞ്ചാവുചെടികള്‍ എക്‌സൈസ് കണ്ടെത്തി നശിപ്പിച്ചിരുന്നു. തമിഴ്‌നാടുമായി അതിര്‍ത്തി പങ്കിടുന്ന കുമളി, പൂപ്പാറ, നെടുങ്കണ്ടം, മറയൂര്‍, മാങ്കുളം എന്നിവിടങ്ങളാണ് കഞ്ചാവ് വിപണനത്തി‍ൻെറ പ്രധാന കേന്ദ്രങ്ങള്‍.