ഡ്യൂക്​ ഒാടിച്ച്​ ​േജതാവായി സോളമൻ

നെടുങ്കണ്ടം: ഇടുക്കിയിലെ മലനിരകളിലൂടെ സ്​പോർട്​സ്​ ബൈക്കായ ഡ്യൂക്ക്​ ഒാടിച്ച്​ മലയാളി രാജ്യാന്തര അംഗീകാരം സ്വന്തമാക്കി. രാജാക്കാട് കൊന്നത്തടി സ്വദേശിയായ കെ.ഡി. സോളമനാണ്​ കെ.ടി.എം കമ്പനി സംഘടിപ്പിച്ച അള്‍ട്ടിമേറ്റ് ഡ്യൂക്​ റൈഡര്‍ മത്സരത്തിൽ ജേതാവായത്​. കെ.ടി.എമ്മി​ൻെറ മാതൃരാജ്യമായ ഓസ്ട്രിയയിലെ ഹെഡ്ക്വാര്‍ട്ടേഴ്‌സും പ്ലാൻറും സന്ദര്‍ശിക്കാനുള്ള അവസരവും റൈഡിങ്​ ഗിയര്‍ ഉൾപ്പെടെയുള്ള സമ്മാനങ്ങളും സോളമന്​ ലഭിക്കും. ലോകത്തിലെ മുന്‍നിര സ്‌പോര്‍ട്‌സ് ബൈക്ക് നിർമാതാക്കളായ കെ.ടി.എം സംഘടിപ്പിച്ച അള്‍ട്ടിമേറ്റ് ഡ്യൂക് റൈഡ് മത്സരത്തിലെ 109 വിജയികളില്‍ ഒരാളാണ് സോളമന്‍. ലോകത്തി​ൻെറ വിവിധ ഭാഗങ്ങളില്‍നിന്നായി 1500 റൈഡര്‍മാരാണ് മത്സരത്തില്‍ പങ്കാളികളായത്. ഉത്തരേന്ത്യക്കാരനായ ബര്‍ണാഡും വിജയികളിൽ ഇടം പിടിച്ചിട്ടുണ്ട്. ആലുവയിൽ സ്വകാര്യ ബാങ്ക്​ ജീവനക്കാരനായ സോളമൻ യാത്രകളെ ഏറെ ഇഷ്​ടപ്പെടുന്നു. ഇതുമൂലം മകള്‍ക്ക് ജേണി എന്നാണ് പേരിട്ടിരിക്കുന്നത്​. ചിത്രം idl ndk k d solaman