മഴ കനക്കുന്നു; കൺ​േട്രാൾ റൂം തുറന്നു

തൊടുപുഴ: ജില്ലയിൽ പലയിടങ്ങളിലും രണ്ടു ദിവസമായി തോരാ മഴ. വ്യാഴാഴ്​ച ആരംഭിച്ച മഴ ജില്ലയിലെ മിക്കയിടങ്ങളിലും തുടരുകയാണ്​. മേയ്​ 17 ന്​ വരെ കാറ്റിനും ഇടിമിന്നലിനും സാധ്യതയുണ്ടെന്നാണ്​ മുന്നറിയിപ്പ്​. പ്രകൃതി ക്ഷോഭം മൂലമുണ്ടാകുന്ന നാശനഷ്​ടങ്ങളും ദുരന്തങ്ങളും നേരിടുന്നതിന്​ അഞ്ച്​ താലൂക്കുകളിലും കൺട്രോൾ റൂം തുറന്നിട്ടുണ്ട്​. ദേവികുളത്തും തൊടുപുഴയിലുമാണ്​ വെള്ളിയാഴ്ച രാവിലെ വരെ കൂടുതൽ മഴ രേഖപ്പെടുത്തിയത്​. ദേവികുളത്ത്​ 59 മി.മി, തൊടുപുഴ 41 മി.മി ഇടുക്കി 28 മി.മി പീരുമേട്​ 27 മി.മി ഉടുമ്പൻചോല- 7.2 മി.മി എന്നിങ്ങനെയാണ്​ താലൂക്കുകളിൽ പെയ്​ത മഴയുടെ അളവ്​. ഇടുക്കി അണക്കെട്ടിലെ ജലനിരപ്പ്​ 2333.12 ഉം, മുല്ലപ്പെരിയാർ 128. 35 മാണ്​. തൊടുപുഴ മേഖലയിൽ രണ്ടു ദിവസമായി ​ശക്​തമായ മഴയുണ്ട്​​. ഹൈ​േറഞ്ചേിൽ പലയിടങ്ങളിലു​ം റോഡിലേക്ക്​ മരം ഒടിഞ്ഞ്​ ഗതാഗതം തടസ്സപ്പെട്ടു. കാറ്റും ഇടിമിന്നലും; വേണം ജാഗ്രത തൊടുപുഴ: മേയ് 14 മുതല്‍ 17 വരെ കേരളത്തിൽ ഒറ്റപ്പെട്ടയിടങ്ങളിൽ 30-50 കി.മീ.വരെ വേഗത്തിൽ വീശിയടിച്ചേക്കാവുന്ന കാറ്റിനും ഇടിമിന്നലോട് കൂടിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ച സാഹചര്യത്തിൽ ജാഗ്രത നിർദേശങ്ങളുമായി ദുരന്ത നിവാരണ അതോറിറ്റി. പ്രവചനാതീത സ്വഭാവമുള്ള വേനൽമഴ കാറ്റി​ൻെറയും ഇടിമിന്നലി​ൻെറയും അകമ്പടിയോടെ ഉച്ച കഴിഞ്ഞ സമയത്തായിരിക്കും ആരംഭിക്കുക. പകൽ സമയത്തെ തെളിഞ്ഞ ആകാശം കണ്ട് ജാഗ്രത കുറയ്ക്കാൻ പാടില്ലെന്നും ഇവർ മുന്നറിയിപ്പ്​ നൽകുന്നു. * കാറ്റും മഴയും ഉണ്ടാകുമ്പോൾ ഒരു കാരണവശാലും മരങ്ങളുടെ ചുവട്ടിൽ നിൽക്കാൻ പാടില്ല. * ഉറപ്പില്ലാത്ത പരസ്യ ബോർഡുകൾ, ഇലക്ട്രിക് പോസ്​റ്റുകൾ, കൊടിമരങ്ങൾ തുടങ്ങിയവയും കടപുഴകി വീഴാൻ സാധ്യതയുള്ളതിനാൽ കാറ്റും മഴയും ഇല്ലാത്ത സമയത്ത് അവ ശരിയായ രീതിയിൽ ബലപ്പെടുത്തുകയോ അഴിച്ചു വെക്കുകയോ ചെയ്യുക. *കാറ്റ് വീശി തുടങ്ങുമ്പോൾതന്നെ വീടുകളിലെ ജനലുകളും വാതിലുകളും അടച്ചിടേണ്ടതാണ്. * കാറ്റും മഴയും ശക്തമാകുമ്പോൾ വൈദ്യുതി കമ്പികളും പോസ്​റ്റുകളും​ പൊട്ടിവീഴാനുള്ള സാധ്യത കൂടുതലാണ്. ഇത്തരത്തിൽ ഏതെങ്കിലും അപകടം ശ്രദ്ധയിൽ പെട്ടാൽ ഉടനെ തന്നെ കെ.എസ്.ഇ.ബിയുടെ 1912 എന്ന കൺട്രോൾ റൂമിലോ 1077 എന്ന നമ്പറിൽ ജില്ല ദുരന്ത നിവാരണ അതോറിറ്റിയുടെ കൺട്രോൾ റൂമിലോ വിവരം അറിയിക്കുക.