കരുതലി​െൻറ മാതൃകയായി മരിയാപുരം കുടുംബാരോഗ്യകേന്ദ്രം

കരുതലി​ൻെറ മാതൃകയായി മരിയാപുരം കുടുംബാരോഗ്യകേന്ദ്രം ടെലി മെഡിസിന്‍ സൗകര്യം ആരംഭിച്ചു ചെറുതോണി: കരുതലി‍ൻെറ മാതൃകയായി മരിയാപുരം കുടുംബാരോഗ്യ കേന്ദ്രം. മരിയാപുരം ഗ്രാമപഞ്ചായത്തി‍ൻെറയും മരിയാപുരം കുടുംബാരോഗ്യ കേന്ദ്രത്തി‍ൻെറയും ആഭിമുഖ്യത്തില്‍ ടെലിമെഡിസിന്‍ സൗകര്യം ആരംഭിച്ചു. കോവിഡ് പശ്ചാത്തലത്തില്‍ മരിയാപുരത്തും സമീപ പ്രദേശത്തുമുള്ളവർക്ക്​ ഇതി​ൻെറ പ്രയോജനം കിട്ടും. കോവിഡ് രൂക്ഷമായ സാഹചര്യത്തില്‍ ദുരിതമനുഭവിക്കുന്നവർക്ക് ചികിത്സ എത്തിക്കാനാണ് സംവിധാനം ആരംഭിച്ചതെന്ന് മരിയാപുരം ഗ്രാമപഞ്ചായത്ത് പ്രസിഡൻറ്​​ ജിന്‍സി ജോയി അറിയിച്ചു. രാവിലെ 10 മുതല്‍ ഉച്ചക്ക്​ ഒന്നുവരെ രോഗികള്‍ക്ക് 8681834703, 9947499243, 8921407800 എന്നീ നമ്പറുകളില്‍ വാട്സ്​ആപ് വിഡിയോ കോളുവഴി ഡോക്ടര്‍മാരുടെ സേവനം ലഭിക്കുമെന്ന്​ ചീഫ് മെഡിക്കല്‍ ഓഫിസര്‍ ഡോ. അരുണ്‍ എസ്.ദത്തന്‍ പറഞ്ഞു. പ്രായമായവരും കടുത്ത ആരോഗ്യപ്രശ്നങ്ങള്‍ അനുഭവിക്കുന്നവരും പരമാവധി ടെലി മെഡിസിന്‍ സൗകര്യം ഉപയോഗിക്കണമെന്നും അധികൃതർ അറിയിച്ചു. ടെലി മെഡിസിന്‍ ഉപയോഗപ്പെടുത്തുന്നവരുടെ വീട്ടില്‍നിന്ന് ആർക്കെങ്കിലും മരുന്ന് ആശുപത്രിയില്‍വന്ന് വാങ്ങാന്‍ സാധിക്കാതെവന്നാല്‍ വളൻറിയര്‍മാരുടെ സേവനം ലഭിക്കും.