വാക്​സിൻ വിതരണം ചെയ്യണം

ചെറുതോണി: സഹകരണ ബാങ്ക് ജീവനക്കാർക്ക്​ വാക്​സിൻ വിതരണം നടത്താൻ അടിയന്തര നടപടി സ്വീകരിക്കണമെന്ന് ജില്ല പ്രാഥമിക സഹകരണ ബാങ്ക് അസോസിയേഷൻ ആവശ്യപ്പെട്ടു. ഈ ആവശ്യം ഉന്നയിച്ച്​ സംഘടന കലക്​ടർക്ക്​ നിവേദനം നൽകി. സാമൂഹിക പെൻഷനുകൾ നൽകാൻ വീടുകളിൽ പോകുന്നത് സഹകരണ ബാങ്ക് ജീവനക്കാരാണ്. മരുന്നുകൾ നൽകുന്നതിനും ഭഷ്യക്കിറ്റുകൾ എത്തിക്കുന്നതിനുമായി എപ്പോഴും കോവിഡ് രോഗികൾ ഉൾ​െപ്പടെയുള്ളവരുടെ വീടുകളിൽ പോകുന്നത് സഹകരണ ബാങ്ക് ജീവനക്കാരാണ്. വാണിജ്യ ബാങ്കുകളിലെ ജീവനക്കാർക് വാക്​സിൻ നൽകുകയും സഹകരണ ബാങ്ക് ജീവനക്കാർക് നിഷേധിക്കുകയും ചെയ്യുന്നതിലെ അനീതി നേതാക്കൾ കലക്​ടറെ ധരിപ്പിച്ചു.