സി.എഫ്​.എൽ.ടി.സി പ്രവർത്തനം ആരംഭിച്ചു

കട്ടപ്പന: ഇരട്ടയാർ സൻെറ്​ തോമസ് ഹൈസ്കൂളിൽ കോവിഡ് ഫസ്​റ്റ്​ ലൈൻ ട്രീറ്റ്മൻെറ് സൻെറർ പ്രവർത്തനം ആരംഭിച്ചു. ഇവിടെ എല്ലാവിധ അടിസ്ഥാന സൗകര്യങ്ങളും ഗ്രാമപഞ്ചായത്തി​ൻെറ നേതൃത്വത്തിൽ ഒരുക്കിയിട്ടുണ്ട്​. ഇരട്ടയാർ ഗ്രാമപഞ്ചായത്തിൽ കോവിഡ് ബാധിതരുടെ എണ്ണം ക്രമാതീതമായി വർധിക്കുന്ന സാഹചര്യത്തിലാണ് ഇരട്ടയാർ ഗ്രാമപഞ്ചായത്തും ആരോഗ്യവകുപ്പും സി.എഫ്​.എൽ.ടി.സി ആരംഭിച്ചത്. ആദ്യഘട്ടത്തിൽ 60 ബെഡാണ് ഒരുക്കിയിരിക്കുന്നത്. കൂടുതൽ ആവശ്യമായാൽ അതിനനുസരിച്ച് ക്രമീകരിക്കും. ചെമ്പകപ്പാറ പ്രാഥമികാരോഗ്യ കേന്ദ്രത്തി​ൻെറ നേതൃത്വത്തിലാണ് രോഗികളെ നിരീക്ഷിക്കുന്നതും ചികിത്സ ഉൾപ്പെടെയുള്ള കാര്യങ്ങൾ ചെയ്യുന്നതും. ഒരു നഴ്സി​ൻെറ സേവനം എപ്പോഴും ലഭ്യമാക്കും. പഞ്ചായത്തിലെ ജനകീയ ഹോട്ടൽ മുഖാന്തരം രോഗികൾക്ക് ഭക്ഷണം എത്തിക്കും. എല്ലായ്പ്പോഴും സന്നദ്ധപ്രവർത്തകരുടെ സേവനവും ലഭ്യമായിരിക്കും. ഗ്രാമപഞ്ചായത്ത് അംഗങ്ങൾ, ജീവനക്കാർ എന്നിവരുടെ നേതൃത്വത്തിലാണ് പ്രവർത്തനങ്ങൾ ഏകോപിപ്പിക്കുന്നത്.