മുള്ളൻപന്നിയുടെ ഇറച്ചി സൂക്ഷിച്ചതിന് ശിക്ഷിച്ചു

പീരുമേട്: മുള്ളൻ പന്നിയുടെ ഇറച്ചി കൈവശം വെച്ച കേസിൽ പ്രതികളെ ശിക്ഷിച്ചു. 2012ൽ വള്ളക്കടവ് ഫോറസ്​റ്റ്​ റേഞ്ച്​ ഓഫിസിൽ രജിസ്​റ്റർ ചെയ്ത കേസിൽ പ്രതികളായ ബിജു തോമസ്, ബിനോയ് തോമസ്, റോയി മാത്യൂ, സിജോ സൈമൺ എന്നിവർക്ക്​ മൂന്ന്​ വർഷം തടവും 10,000 രൂപ പിഴയുമാണ്​ പീരുമേട് ഒന്നാം ക്ലാസ് മജിസ്ട്രേറ്റ് ആർ.കൃഷ്ണപ്രഭവൻ ശിക്ഷ വിധിച്ചത്​. പെരിയാർ കടുവാസങ്കേത്തിലെ പച്ചക്കാനം ഭാഗത്ത് വനപാലകർ നടത്തിയ രാത്രി കാല പരിശോധനയിലാണ് ഓട്ടോറിക്ഷയിൽ കടത്താൻ ശ്രമിച്ച മുള്ളൻപന്നിയുടെ ഇറച്ചിയും പ്രതികളും പിടിയിലായത്.