പ്രളയമെടുത്ത കെ.എസ്​.ആർ.ടി.സി ഗാരേജും ഓഫിസ്‌ കോംപ്ലക്​സും വീണ്ടും സജ്ജം

കട്ടപ്പന: പ്രളയത്തിൽ തകർന്ന കട്ടപ്പന കെ.എസ്.ആർ.ടി.സി സബ് സ്​റ്റേഷന് പുതുജീവൻ. പുതിയ ഗാരേജി​ൻെറയും വർക്​ഷോപ്പി​ൻെറയും ഓഫിസ്‌ കോംപ്ലക്​സി​ൻെറയും ഉദ്​ഘാടനം 20ന് നാലിന് മന്ത്രി എ.കെ. ശശീന്ദ്രൻ ഉദ്​ഘാടനം ചെയ്യും. മന്ത്രി എം.എം. മണി, ഇടുക്കി എം.എൽ.എ റോഷി അഗസ്​റ്റിൻ, കട്ടപ്പന നഗരസഭ ചെയർപേഴ്സൻ ബീന ജോബി തുടങ്ങിയവർ പങ്കെടുക്കും. ഒരുകോടിയുടെ നവീകരണ പ്രവർത്തനങ്ങളാണ് സബ് സ്​റ്റേഷനിൽ നടത്തിയത്. റോഷി എം.എൽ.എയുടെ ആസ്തി വികസന ഫണ്ടിൽനിന്ന് 50ലക്ഷവും മുൻ എം.പി ജോയ്‌സ് ജോർജ് അനുവദിച്ച 25 ലക്ഷവും മുഖ്യമന്ത്രിയുടെ പ്രളയ ദുരിതാശ്വാസ നിധിയിൽനിന്നുള്ള 25 ലക്ഷവും ആണ് ഇതിനായി വിനിയോഗിച്ചത്. 2018ൽ ഉണ്ടായ കനത്ത മഴയിലും മണ്ണിടിച്ചിലിലും ഉരുൾപൊട്ടലിലും ഗാരേജ് പൂർണമായി തകർന്നിരുന്നു. മണ്ണിടിഞ്ഞ്​ സബ് സ്​റ്റേഷനും ഡീസൽ പമ്പ് ഹൗസും ജീവനക്കാരുടെ വിശ്രമമുറിയും ഓഫിസും എല്ലാം മണ്ണ്​ മൂടിയ നിലയിലായിരുന്നു. പ്രളയത്തിൽ സബ് സ​റ്റേഷൻ തകർന്നതോടെ സബ് സ്​റ്റേഷൻ ഓഫിസി​ൻെറ പ്രവർത്തനവും ബസുകളുടെ പാർക്കിങ്ങും കട്ടപ്പന പഴയ ബസ് സ്​റ്റാൻഡിലേക്ക് മാറ്റിയിരുന്നു. ഫോട്ടോ. കട്ടപ്പന കെ.എസ്.ആർ.ടി.സി സബ് സ്​റ്റേഷ​ൻെറ പുനരുദ്ധരിച്ച ഗാരേജും ഓഫിസിൽ കോംപ്ലക്സു​േ