കുമളിയിൽ കുന്നുകൾ ഇടിച്ചുനിരത്തി വയൽ നികത്തൽ വ്യാപകം

കുമളി: കുന്നുകൾ ഇടിച്ച് കുമളിയിൽ വയലുകൾ മണ്ണിട്ട് നികത്തുന്നു. രാപ്പകൽ വ്യത്യാസമില്ലാതെ കുന്നുകൾ തകർത്ത് മണ്ണ് നീക്കുന്ന നടപടി റവന്യൂ-പൊലീസ് അധികൃതരുടെ മൗനാനുവാദത്തോടെയാണെന്ന്​ ആരോപണമുണ്ട്​. പഞ്ചായത്തി​ൻെറ വിവിധ ഭാഗങ്ങളിലായി പതിനഞ്ചി​േലറെ മണ്ണുമാന്തി യന്ത്രങ്ങളും നൂറിലലികം ടിപ്പർ ലോറികളുമാണ് കുന്നുകൾ ഇടിച്ചുനിരത്തുന്നത്. റവന്യൂ വകുപ്പി​ൻെറ കൈവശമുള്ള ഡേറ്റ ബാങ്കിൽ ഉൾപ്പെട്ട വയലുകളിൽ ഏറിയ ഭാഗവും ഇതിനകം 'കരയായി' രൂപമാറ്റം വന്നു കഴിഞ്ഞു. രാത്രിമുതൽ നേരംപുലരും വരെ മണ്ണുമാന്തിയന്ത്രങ്ങളും ടിപ്പർ ലോറികളും ശബ്​ദകോലാഹലങ്ങൾ ഉണ്ടാക്കിയിട്ടും പൊലീസ്, റവന്യൂ അധികൃതർ മാത്രം ഇതൊന്നും അറിഞ്ഞ ഭാവത്തില​െല്ലന്ന് നാട്ടുകാർ പറയുന്നു. കുമളി ടൗണിനുസമീപം അട്ടപ്പള്ളം, അമരാവതി, വലിയകണ്ടം, റോസാപ്പൂക്കണ്ടം പ്രദേശങ്ങളിലെല്ലാം മണ്ണിട്ട് ഏക്കറുകണക്കിന് സ്ഥലം നികത്തി. വയലുകൾ നികത്തി ചെറിയ പ്ലോട്ടുകളാക്കി തിരിച്ച് വിൽപന നടത്തുന്ന ലോബികൾക്ക് അധികൃതർ ഒത്താശ ചെയ്യുകയാണ്​. റവന്യൂ ഉദ്യോഗസ്ഥരിലെ ചിലരുടെ ബിനാമിയായി വയലുകൾ കുറഞ്ഞ വിലയിൽ വാങ്ങി മറിച്ചുവിൽക്കുന്ന സംഘവും പ്രവർത്തിക്കുന്നുണ്ട്. വയലുകൾ നികത്തുന്നതിനെതിരെ മുമ്പ് സമരരംഗത്തുണ്ടായിരുന്ന സംഘടനകളെ നിശ്ശബ്​ദരാക്കിയാണ് തണ്ണീർത്തടങ്ങൾ ഉൾ​െപ്പടെ പ്രദേശങ്ങൾ മണ്ണിട്ട് നികത്തി ഭൂ മാഫിയയുടെ നീക്കം. ഇതിനെതിരെ പ്രതികരിക്കുന്നവരെ ഭീഷണിപ്പെടുത്താനും ആക്രമിക്കാനും വരെ ശ്രമം നടക്കുന്നതും നാട്ടുകാരെ നിശ്ശബ്​ദരാക്കാൻ പ്രേരിപ്പിക്കുന്നു. TDL KUMALI MANNU കുമളിയിൽ മണ്ണിട്ട് നികത്തുന്ന പ്രദേശം തൊഴിലുറപ്പ് മേറ്റുമാർക്ക്​ 700 രൂപ വേതനം ചെറുതോണി: തൊഴിലുറപ്പ് പദ്ധതിയിലെ മേറ്റുമാർക്ക്​ ഇനി മുതൽ ദിവസം 700 രൂപ വീതം വേതനം ലഭിക്കും. ഇപ്പോൾ മറ്റു തൊഴിലാളിക​െള​േപാലെ 291 രൂപ മാത്രമാണ് മേറ്റിനും നൽകിയിരുന്നത്.​ തൊഴിലുറപ്പ് പദ്ധതിയിൽ പണിയെടുക്കുന്ന തൊഴിലാളികളുടെ മേൽനോട്ടക്കാരിയാണ്​ മേറ്റ്. ഒരു മേറ്റി​ൻെറ കീഴിൽ 40 തൊഴിലാളികളെങ്കിലുമുണ്ടായിരിക്കണം 40 തൊഴിലാളികളിൽ കൂടുതലായി വരുന്ന 10 തൊഴിലാളികൾക്ക് ഒരു മേറ്റി​െനകൂടി നിയമിക്കാം. തൊഴിലുറപ്പ്​ പദ്ധതിയിൽ 90 ശതമാനത്തിലധികം സ്ത്രീകളാണ്​ തൊഴിലാളികൾ. അതുകൊണ്ട് സ്ത്രീകളെതന്നെ മേറ്റായി നിയമിക്കണമെന്നാണ്​ സർക്കാർ നിർദേശം. തൊഴിലാളികൾ 40ൽ താഴെയാ​െണങ്കിൽ വർക്കിങ്​ മേറ്റായി ഒരാളെ ചുമതലപ്പെടുത്തും. ഇവർക്ക്​ സാധാരണ തൊഴിലാളിക്ക്​ ലഭിക്കുന്ന വേതനം മാത്രമെ ലഭിക്കൂ. 10ാം ക്ലാസെങ്കിലും പാസായവരായിരിക്കണം മേറ്റ്. എസ്.സി, എസ്.ടി വിഭാഗക്കാർക്ക്​ എട്ടാം ക്ലാസ് യോഗ്യത മതി. തൊഴിലാളികൾക്ക്​ ജോലി വീതിച്ച്​ നൽകുന്നതുമുതൽ വേതനം വാങ്ങിക്കൊടുക്കുന്നതുവരെയുള്ള ചുമതല മേറ്റി​​േൻറതാണ്. ഹാജർ ഉറപ്പുവരുത്തുക, മസ്​റ്റ്​ റോൾ സൂക്ഷിക്കുക, തൊഴിലാളികൾക്ക്​ ആവശ്യമായ സൗകര്യങ്ങൾ ചെയ്തുകൊടുക്കുക തുടങ്ങിയവയും ഇനി മുതൽ മേറ്റി​ൻെറ ചുമതലയിൽ വരും.