കവിതകം ചൊല്ലരങ്ങ്​

മുതലക്കോടം: ജയ്ഹിന്ദ് ലൈബ്രറി മാർച്ച് ഏഴിന്​ ഉച്ചക്ക്​ രണ്ടിന്​ തൊടുപുഴ അർബൻ ബാങ്ക് ഹാളിൽ സംഘടിപ്പിക്കുന്ന കവി സി.എസ്​. രാജേഷ് അവതരിപ്പിക്കുന്ന കവിതകം ചൊല്ലരങ്ങ് പരിപാടിയുടെ സ്വാഗതസംഘം രൂപവത്​കരിച്ചു. ലൈബ്രറി പ്രസിഡൻറ്​ കെ.സി. സുരേന്ദ്രൻ (പ്രസി.), അജയ് തോമസ്​, കെ.എം. രാജൻ, പി.ആർ. വിശ്വൻ, പി. വിനോദ്, എൻ.എ. റഷീദ്, ബേബി മാത്യു എന്നിവർ വൈസ്​ പ്രസിഡൻറുമാർ, ഷാജുപോൾ (സെക്ര.), ജോസ്​ തോമസ്​, എ.പി. കാസിം, അനുകുമാർ തൊടുപുഴ, കെ.ടി. ബിജു, പ്രദീപ്കുമാർ, കെ.പി. സുനിൽ എന്നിവർ ജോയൻറ്​ സെക്രട്ടറിമാരായും വിവിധ സബ്കമ്മിറ്റികളുടെ കൺവീനർമാരായി പി.ആർ. ബിനോയ്, പി.കെ. രാജു, പി.വി. സജീവ് എന്നിവരെയും ലൈബ്രറി ഹാളിൽ ചേർന്ന സ്വാഗതസംഘ രൂപവത്​കരണയോഗത്തിൽ തെരഞ്ഞെടുത്തു. യോഗത്തിൽ ലൈബ്രറി അംഗത്തിന് വീടുപണിയാൻ സഹായമായി 75,000 രൂപ ലൈബ്രറി പ്രസിഡൻറ്​ കെ.സി. സുരേന്ദ്രൻ കൈമാറി. മൂന്നാറിൽ 78 കോടിയുടെ സൂപ്പർ സ്​പെഷാലിറ്റി ആശുപത്രി വരുന്നു മൂന്നാർ: മെച്ചപ്പെട്ട ചികിത്സയെന്ന മൂന്നാറുകാരുടെ ആവശ്യം യാഥാർഥ്യമാകുന്നു. തോട്ടം തൊഴിലാളികൾ ഉൾപ്പെടെയുള്ളവർക്ക്​ വിദഗ്​ധ ചികിത്സ ലഭ്യമാക്കുന്നതിനായി സൂപ്പർ സ്​പെഷാലിറ്റി ആശുപത്രി നിർമിക്കാൻ 78 കോടി രൂപയുടെ അനുമതി ലഭിച്ചതായി എസ്. രാജേന്ദ്രൻ എം.എൽ.എ പറഞ്ഞു. മൂന്നാർ സൈലൻറ്​ വാലി റോഡിനോട് ചേർന്നാണ് ആശുപത്രി നിർമിക്കാൻ ലക്ഷ്യമിടുന്നത്. നിലവിൽ മൂന്നാർ, വട്ടവട, മറയൂർ തുടങ്ങിയ മേഖലകളിൽനിന്ന്​ ആളുകൾക്ക് മെച്ചപ്പെട്ട ചികിത്സ ലഭിക്കണമെങ്കിൽ അടിമാലി, കോട്ടയം, എറണാകുളം ഉൾപ്പെടുന്ന അയൽ ജില്ലകളിൽ എത്തണം. ആശുപത്രി വേണ്ടുന്ന സ്ഥലസൗകര്യങ്ങൾ സംബന്ധിച്ച് ഏതാനും ദിവസങ്ങൾക്കുമുമ്പ് സംഘം സന്ദർശനം നടത്തി സാഹചര്യം വിലയിരുത്തിയിരുന്നു.