കുമളി ഗ്രാമപഞ്ചായത്തിലെ വിവിധ പദ്ധതികളുടെ ഉദ്​ഘാടനം ഇന്ന്

കുമളി: പീരുമേട് എം.എൽ.എ ഇ.എസ്. ബിജിമോളുടെ ആസ്തി വികസനഫണ്ടിൽനിന്ന്​ തുക അനുവദിച്ച് പൂർത്തിയാക്കിയ വിവിധ പദ്ധതികളുടെ ഉദ്​ഘാടനവും പുതിയ പദ്ധതികളുടെ നിർമാണോദ്​ഘാടനവും തിങ്കളാഴ്​ച നടക്കും. കുമളി സർക്കാർ കുടുംബാരോഗ്യകേന്ദ്രത്തിന് അനുവദിച്ച ആംബുലൻസി​ൻെറ ഫ്ലാഗ്ഓഫ്​, കൃഷിഭവ​ൻെറ വീട്ടുപടിക്കൽ ഒരുവിപണി പദ്ധതി, തേക്കടി ബൈപാസി​ൻെറ നിർമാണോദ്​ഘാടനം വൈകീട്ട് നാലിന് ടൗണിലെ പൊതുവേദിയിൽ എം.എൽ.എ നിർവഹിക്കും. ഗ്രാമപഞ്ചായത്ത് പ്രസിഡൻറ്​ ശാന്തി ഷാജിമോൻ അധ്യക്ഷത വഹിക്കും. ഇതോടെപ്പം ആനവിലാസം-കല്ലുമേട് റോഡ്, ഈ റോഡി​ൻെറ സംരക്ഷണഭിത്തി നിർമാണം, വാളാർഡി-ചെങ്കര റോഡ്, അട്ടപ്പള്ളം-പുലിക്കുന്ന് റോഡ്, ചോറ്റുപാറ-പൂമരം മുരിക്കടി റോഡ്, ഒന്നാം മൈൽ-പത്തുമുറി, മുരുക്കടി-പൂമരം, ഒന്നാം മൈൽ-ഒട്ടകത്തലമേട്, അട്ടപ്പള്ളം-ശാന്തിഗിരി റോഡുകളുടെ നിർമാണോദ്​ഘാടനങ്ങൾ അതത് സ്ഥലത്ത് നടക്കും. കുമളി സർക്കാർ സ്കൂൾ കെട്ടിടം, ഗ്രൗണ്ട്, ട്രൈബൽ യു.പി സ്കൂൾ കെട്ടിടം, ട്രൈബൽ സ്കൂൾ പാചകപ്പുര എന്നിവയുടെ നിർമാണോദ്​ഘാടനവും നടക്കും.