ഷുഹൈബ് രക്തസാക്ഷി അനുസ്മരണം

ഇടുക്കി: ഷുഹൈബ് എടയന്നൂരി​ൻെറ മൂന്നാം രക്തസാക്ഷി അനുസ്മരണം കെ.എസ്.യു ജില്ല കമ്മിറ്റിയുടെ നേതൃത്വത്തിൽ നടന്നു. അനുസ്മരണ യോഗം ഡി.സി.സി പ്രസിഡൻറ്​ ഇബ്രാഹിംകുട്ടി കല്ലാർ ഉദ്ഘാടനം ചെയ്തു. ഷുഹൈബി​ൻെറ കൊലയാളികളെ സർക്കാർ പണം ഉപയോഗിച്ച് സംരക്ഷിക്കുന്ന പിണറായി വിജയൻ അക്രമ രാഷ്​ട്രീയത്തി​ൻെറ വക്താവാണെന്ന്​ ഇബ്രാഹിംകുട്ടി കല്ലാർ ആരോപിച്ചു. ജില്ല പ്രസിഡൻറ്​ ടോണി തോമസ്‌ അധ്യക്ഷത വഹിച്ചു.സംസ്ഥാന ഭാരവാഹികളായ അനൂപ് ഇട്ടൻ, അരുൺ രാജേന്ദ്രൻ എന്നിവർ അനുസ്മരണ പ്രഭാഷണം നടത്തി. ജില്ല ഭാരവാഹികളായ സോയിമോൻ സണ്ണി, ജിതിൻ തോമസ്, സി.എസ്. വിഷ്ണുദേവ്, ടോണി എബ്രഹാം, ജോബി ജോസഫ് എന്നിവർ നേതൃത്വം നൽകി. ഗോത്രജീവിക: തൊഴിലുപകരണങ്ങളുടെ വിതരണം മറയൂര്‍: ഗോത്രജീവിക തൊഴിലുപകരണങ്ങളുടെ വിതരണം സംസ്ഥാനതല ഉദ്ഘാടനം വിഡിയോ കോൺഫറന്‍സ് വഴി പട്ടികജാതി പട്ടികവര്‍ഗ പിന്നാക്ക വിഭാഗ ക്ഷേമ-നിയമ-സാംസ്‌കാരിക പാര്‍ലമൻെററികാര്യ വകുപ്പ് മന്ത്രി എ.കെ. ബാലന്‍ നിര്‍വഹിച്ചു. ജില്ലതല ഉദ്ഘാടനം മറയൂര്‍ സൻെറ്​ മേരീസ് യു.പി സ്‌കൂളില്‍ വെള്ളിയാഴ്​ച രാവിലെ 11ന്​ ദേവികുളം എം.എൽ.എ എസ്. രാജേന്ദ്രൻ നിർവഹിച്ചു. മറയൂർ പഞ്ചായത്ത് പ്രസിഡൻറ്​ ഉഷ ഹെൻട്രി ജോസഫ്, പഞ്ചായത്ത് പ്രസിഡൻറ് പി.ടി. മോഹൻദാസ്, പട്ടിക വികസന വകുപ്പ് മറയൂർ സെക്​ഷൻ ഓഫിസർ സുരേഷ്, പഞ്ചായത്ത് അംഗങ്ങൾ, രാഷ്​ട്രീയ പ്രതിനിധികൾ എന്നിവർ പങ്കെടുത്തു. തോട്ടം മേഖലയിൽ അതിശൈത്യം: തേയില ചെടികൾ കരിഞ്ഞുണങ്ങുന്നു മറയൂര്‍: തോട്ടം മേഖലയിൽ അതിശൈത്യം പിടിമുറുക്കിയതോടെ തേയില ചെടികൾ കരിഞ്ഞുണങ്ങുന്നു. തലയാര്‍, വാഗുവര ഉൾപ്പെടെയുള്ള തോട്ടം മേഖലയിലാണ് കഴിഞ്ഞ രണ്ടുമാസമായി ശൈത്യം തുടരുന്നത്​. തോട്ടം മേഖലയിലാണ് താപനില ഒന്നിലേക്ക് താഴ്ന്ന് അതിശൈത്യം അനുഭവപ്പെടുന്നത്. രാത്രി കാലങ്ങളിലെ അതിശൈത്യത്തോടുള്ള മഞ്ഞ് വീഴ്ചയും പകല്‍ വേളയിലെ ശക്തമായ വെയിലുമാണ്​ തേയില ചെടികള്‍ കരിഞ്ഞുണങ്ങാൻ കാരണം.