സംയോജിത കൃഷി കാമ്പയി​ൻ സംസ്ഥാനതല ഉദ്​ഘാടനം ഇന്ന്​

ചെറുതോണി: വിഷുവിന് വിഷരഹിത പച്ചക്കറി എന്ന ലക്ഷ്യത്തോടെ സി.പി.എം നേതൃത്വത്തിൽ സംയോജിത കൃഷി കാമ്പയി​ൻെറ സംസ്ഥാനതല ഉദ്​ഘാടനം ശനിയാഴ്​ച രാവിലെ 11ന്​ ഇടുക്കി കഞ്ഞിക്കുഴിയിൽ നടക്കും. പദ്ധതിയുടെ ഭാഗമായി തൈനടീൽ ഉദ്​ഘാടനം മുൻ എം.പി പി. രാജീവ് നിർവഹിക്കും. പച്ചക്കറി ഉൽപാദനത്തിൽ സ്വയംപര്യാപ്തത നേടുകയും ജൈവകൃഷി വ്യാപനം നടത്തുകയും ലക്ഷ്യം​െവച്ചാണ് പരിപാടി സംഘടിപ്പിക്കുന്നത്. പുൽമേട് കത്തിനശിച്ചു നെടുങ്കണ്ടം: നെടുങ്കണ്ടം കല്ലാർ മലനിരകളിൽ വെള്ളിയാഴ്ച ഉച്ചയോടെ ഉണ്ടായ തീപിടിത്തത്തിൽ ഏക്കറുകണക്കിന് പുൽമേട് കത്തിനശിച്ചു. ഡാമിന് സമീപത്തെ പുൽമേടുകൾക്കാണ് തീപിടിച്ചത്. സമീപത്തായി നിരവധി വീടുകൾ സ്ഥിതിചെയ്യുന്നുണ്ട്​. അഗ്​നിരക്ഷാസേനയും നാട്ടുകാരും ചേർന്ന് മൂന്ന് മണിക്കൂറോളം പരിശ്രമിച്ചാണ് ജനവാസ മേഖലയിലേക്ക് തീ പടരാതെ തടഞ്ഞത്.