ഐശ്വര്യകേരള യാത്ര നാളെ ഇടുക്കിയിൽ

തൊടുപുഴ: പ്രതിപക്ഷ നേതാവ്​ രമേശ്​ ചെന്നിത്തല നയിക്കുന്ന ഐശ്വര്യകേരള യാത്ര ശനിയാഴ്ച ജില്ലയിൽ പര്യടനം നടത്തും. രാവിലെ എട്ടിന്​ അടിമാലി മരങ്ങാട്ട് ഓഡിറ്റോറിയത്തിൽ സൗഹൃദസദസ്സിൽ പങ്കെടുത്താണ് പര്യടനത്തിന് തുടക്കംകുറിക്കുന്നത്. പ്രകടനപത്രികയിൽ ഉൾപ്പെടുത്തേണ്ട കാര്യങ്ങളെ സംബന്ധിച്ച് ക്ഷണിതാക്കളുമായി പ്രതിപക്ഷ നേതാവ് ആശയവിനിമയം നടത്തും. രാവിലെ 10ന്​ അടിമാലി, 12ന് നെടുങ്കണ്ടം, രണ്ടിന് കട്ടപ്പന, വൈകീട്ട് നാലിന് ഏലപ്പാറ, ആറിന്​ തൊടുപുഴ കേന്ദ്രങ്ങളിൽ സ്വീകരണം നൽകും. എല്ലാ പഞ്ചായത്തിലും നഗരസഭകളിലും വെള്ളിയാഴ്​ച വൈകീട്ട്​ വിളംബര ജാഥകളും യുവജന-വിദ്യാർഥി സംഘടനകളുടെ നേതൃത്വത്തിൽ ബൈക്ക് റാലിയും നടക്കും. യാത്രക്ക് വരവേൽപ് നൽകാൻ തയാറെടുപ്പ്​ പൂർത്തിയായതായി യു.ഡി.എഫ് നേതാക്കൾ അറിയിച്ചു.