ഇടുക്കി രൂപത രോഗീ ദിനാചരണം നാളെ

ചെറുതോണി: ഇടുക്കി രൂപതയിലെ രൂപതാതല രോഗീദിനാചരണം മുരിക്കാശ്ശേരിയിലും ജോസ്​ഗിരിയിലും ​നടക്കും. മുരിക്കാശ്ശേരി അൽഫോൻസ ഹോസ്​പിറ്റലിനോടനുബന്ധിച്ച പാലിയേറ്റിവ്​ കെയർ സൻെററിൽ 11ന് രാവിലെ 9.30ന് കിടപ്പുരോഗികൾക്കും ശുശ്രൂഷിക്കുന്നവർക്കും പ്രാർഥന ശുശ്രൂഷ നടത്തും. തുടർന്ന്​ നടക്കുന്ന കുർബാനക്ക്​ വികാരി ജനറാൾ മോൺ. ജോസ്​ പ്ലാച്ചിക്കൽ മുഖ്യകാർമികത്വം വഹിക്കും. വൈകീട്ട്​ ഏ​ഴിന്​ ജോസ്​ഗിരി പള്ളിയിലാണ് രൂപതയിൽ ഒരാഴ്ച നീണ്ട രോഗീദിന പരിപാടികളുടെ സമാപനം കുറിക്കുക.