അൻവറിനെയും അൻസ പോളിനെയും അനുമോദിച്ചു

മുട്ടം: വിദ്യാഭ്യാസവും തൊഴിലും ഉള്ള യുവതി-യുവാക്കൾ രാഷ്​ട്രീയത്തിലേക്ക് വന്നാൽ അഴിമതി ഉണ്ടാകില്ലെന്ന്​ ഗാന്ധിജി സ്​റ്റഡി സൻെറർ വൈസ് ചെയർമാൻ അപു ജോൺ ജോസഫ്. 'യുവാക്കളും സാമൂഹിക വികസനവും' വിഷയത്തിൽ യൂത്ത് ഫ്രണ്ട് (ജോസഫ് വിഭാഗം) മുട്ടം മണ്ഡലം കമ്മിറ്റി സംഘടിപ്പിച്ച സെമിനാറിൽ സംസാരിക്കുകയായിരുന്നു അദ്ദേഹം. ചടങ്ങിൽ ത്രിതല പഞ്ചായത്ത് അംഗങ്ങൾക്ക്​ സ്വീകരണം നൽകി. ഗാന്ധിയൻ സ്​റ്റഡീസിൽ എം.ജി യൂനിവേഴ്​സിറ്റിയിൽനിന്ന്​ ഡോക്​ടറേറ്റ് നേടിയ കെ.എം. അൻവറിനെയും ചാർട്ടേഡ് അക്കൗണ്ടൻറ്​ കോഴ​്​സ്​ പാസായ അൻസ പോളിനെയും അനുമോദിച്ചു. സന്തു ടോമി കാടൻകാവിൽ അധ്യക്ഷതവഹിച്ചു. കേരള കോൺഗ്രസ്​ ജില്ല പ്രസിഡൻറ്​ പ്രഫ. എം.ജെ. ജേക്കബ് ഉദ്ഘാടനം ചെയ്​തു. ജില്ല പഞ്ചായത്ത് അംഗം സി.വി. സുനിത, മുട്ടം ഗ്രാമപഞ്ചായത്ത് വൈസ് പ്രസിഡൻറ് മാത്യു ജോസഫ്, അഡ്വ. ജോസി ജേക്കബ്, കെ.ടി. അഗസ്​റ്റിൻ, ബൈജു വറവുങ്കൽ, ടി.എച്ച്. ഈസ, സി.എച്ച്. ഇബ്രാഹീംകുട്ടി, ജോസഫ് തൊട്ടിത്താഴം, ഗ്ലോറി പൗലോസ്, ഷെർലി അഗസ്​റ്റിൻ, മേഴ്​സി ദേവസ്യ, രഞ്ജിത് മണപ്പുറത്ത്, ജോബി ടി.കുഴിവേലിൽ, സി.ആർ. സജീവൻ, സിബി ജോസ്, വിഷ്​ണു സജി, ജെറിൻ, ഷൈൻ, റോണി, റോയി എന്നിവർ സംസാരിച്ചു. ഭക്ഷണാവശിഷ്​ടവും ചീഞ്ഞ പച്ചക്കറിയും ഇനി നൂറുമേനി കൊയ്യും വണ്ടിപ്പെരിയാറില്‍ ഹരിതകര്‍മ സേനയുടെ ജൈവവളം വിപണിയില്‍ ഇടുക്കി: വണ്ടിപ്പെരിയാര്‍ ഗ്രാമപഞ്ചായത്ത് ഹരിതകര്‍മ സേന തയാറാക്കിയ 'ജൈവ ജീവനം' സമ്പൂര്‍ണ ജൈവവളം വിപണിയില്‍. ടൗണിലെയും പരിസരത്തെയും മറ്റും ഭക്ഷണാവശിഷ്​ടങ്ങള്‍, പച്ചക്കറിമാലിന്യം തുടങ്ങിയവയാണ് ഹരിതകര്‍മ സേന ശാസ്ത്രീയമായി സംസ്‌കരിച്ച് ജൈവവളമാക്കിയത് ആദ്യമായി തയാറാക്കിയ 1000 കിലോ ജൈവവളം സൗജന്യ നിരക്കിൽ കൃഷിക്കാർക്ക്​ നൽകുന്നതിന്​ പഞ്ചായത്താണ്​ വാങ്ങുന്നത്​. കിലോ 25 രൂപയാണ് വില. ഈ വളം 15 രൂപ സബ്‌സിഡിയോടെ 10 രൂപ നിരക്കില്‍ കര്‍ഷകര്‍ക്ക് വിതരണം ചെയ്യും. വണ്ടിപ്പെരിയാര്‍ സത്രം ഭാഗത്ത് ബഥേല്‍ എസ്​റ്റേറ്റ് ഗ്രാമപഞ്ചായത്തിന് വിട്ടുകൊടുത്ത രണ്ടേക്കര്‍ സ്ഥലത്താണ് ജൈവമാലിന്യ സംസ്‌കരണ പ്ലാൻറ്​. 1000 ചതുരശ്ര അടിയില്‍ സ്ഥിരം ഷെഡ് നിര്‍മിച്ചാണ് വിന്‍ഡ്രോ കമ്പോസ്​റ്റ്​ മാതൃകയില്‍ ജൈവവളമുണ്ടാക്കുന്നത്. വണ്ടിപ്പെരിയാര്‍ ടൗണില്‍നിന്നുള്ള 1000 കിലോ ജൈവ മാലിന്യമാണ് പ്രതിദിനം സംസ്‌കരിക്കുന്നത്. ലില്ലിക്കുട്ടി തമ്പി പ്രസിഡൻറും മല്ലിക സെക്രട്ടറിയുമായ രണ്ട്​ പുരുഷന്മാർ അടക്കം 11 അംഗ കൂട്ടായ്​മയാണ്​ വളം നിര്‍മിക്കുന്നത്. മുന്‍ ബി.ഡി.ഒ എം. ഹരിദാസി​ൻെറ മാർഗനിർദേശത്തിലാണ്​ പ്രവർത്തനം. ഗ്രാമപഞ്ചായത്തി​ൻെറ മെറ്റീരിയല്‍ കലക്​ഷന്‍ സൻെററും (എം.സി.എഫ്) ഇവിടെയാണ് സ്ഥാപിച്ചിരിക്കുന്നത്.