സ്​കൂൾ വളപ്പിൽ അഭയകേന്ദ്ര നിർമാണം; പ്രതിഷേധവുമായി നാട്ടുകാർ

കാഞ്ഞാർ: മുതിയാമല കൈപ്പ സർക്കാർ സ്​കൂൾ വളപ്പിൽ ദുരന്തനിവാരണ അഭയകേന്ദ്രം പണിയാനുള്ള പഞ്ചായത്തുനീക്കം നാട്ടുകാർ തടഞ്ഞു. സ്​കൂൾ വളപ്പിലൂടെയുള്ള വഴിയടച്ച്​ കെട്ടിടം പണിയുന്നതാണ്​ എതിർപ്പിന്​ കാരണമെന്ന്​ പ്രദേശവാസികൾ പറഞ്ഞു. എന്നാൽ, നിലവിലെ സ്ഥലത്തുനിന്ന്​ മാറ്റി കെട്ടിടം പണിയണമെങ്കിൽ സ്​കൂൾ വളപ്പിലെ രണ്ട്​ മരങ്ങൾ വെട്ടിമാറ്റേണ്ടി വരും​. ഇതിന്​ വനംവകുപ്പി​ൻെറ അനുമതി വേണം. അത്​ കിട്ടാൻ വൈകും. ഇൗ സാഹചര്യത്തിലാണ്​ ലഭ്യമായ സ്ഥലത്ത്​ കെട്ടിടം പണിയാൻ നടപടി സ്വീകരിച്ചതെന്ന്​ പഞ്ചായത്ത്​ അധികൃതർ പറഞ്ഞു. സർക്കാർ സ്ഥലം അനുമതിയില്ലാതെ വഴിക്കോ മറ്റ്​ ആവശ്യങ്ങൾക്കോ വിട്ടുകൊടുക്കാൻ കഴിയില്ല. എങ്കിലും നടപ്പുവഴിക്കുള്ള സ്ഥലം ഒഴിവാക്കിയാണ്​ കെട്ടിടം പണിയുന്നതെന്ന്​ പഞ്ചായത്ത്​ പ്രസിഡൻറ്​ ഉഷാ വിജയൻ പറഞ്ഞു. ഡോക്​ടർ കോവിഡ്​ ഡ്യൂട്ടിയിൽ; രോഗികൾ പെരുവഴിയിൽ കാഞ്ഞാർ: കോളപ്ര ഏഴാംമൈലിൽ പ്രവർത്തിക്കുന്ന ഹോമിയോ ഡിസ്​െ​പൻസറയിലെ ഡോക്​ടർ കോവിഡ്​ ഡ്യൂട്ടിക്ക്​ പോയതോടെ രോഗികൾ പെരുവഴിയിലായി. മൂന്നുമുതൽ 18 വരെയാണ്​ ഡോക്​ടർ കോവിഡ്​ ഡ്യൂട്ടിക്കായി മാറിനിൽക്കുന്നത്​. പകരം സംവിധാനം ഒരുക്കാത്തതിനാൽ ചികിത്സ തേടി എത്തുന്നവർ നിരാശരായി മടങ്ങുന്നു. സമീപ പ്രദേശങ്ങളിലെ പ്രായമായവർ അടക്കമുള്ളവർക്ക്​ ആശ്രയമാണ്​ ഡിസ്​​െപൻസറി. ഡോക്​ടർ ഇല്ലെങ്കിലും ഡിസ്​​െ​പൻസറി തുറക്കുന്നുണ്ട്​. ഡി.എം.ഒയുമായി ബന്ധപ്പെട്ട്​ പകരം സംവിധാനം ഒരുക്കാൻ ശ്രമിക്കുമെന്ന്​ പഞ്ചായത്ത്​ അധികൃതർ അറിയിച്ചു.