രാജമല എസ്​റ്റേറ്റ് പാലം പുനർനിർമിക്കാന്‍ നടപടിയില്ല

മൂന്നാര്‍: പ്രളയത്തില്‍ തകര്‍ന്ന രാജമല എസ്​റ്റേറ്റ് പാലം പുനര്‍നിർമിക്കാന്‍ നടപടിയില്ല. തൊഴിലാളികള്‍ ദുരിതത്തില്‍. 2018ൽ ഉണ്ടായ ശക്തമായ മഴയില്‍ രാജമലയില്‍നിന്ന്​ ഒഴുകിയെത്തുന്ന തോട് കരകവിഞ്ഞതാണ് പാലം തകർന്നത്​. ഇതോടെ കിലോമീറ്റര്‍ ചുറ്റി സഞ്ചരിച്ചാണ് തൊഴിലാളികളില്‍ മൂന്നാര്‍ ടൗണില്‍ എത്തുന്നത്. പ്രളയം കഴിഞ്ഞ് വര്‍ഷങ്ങള്‍ പിന്നിട്ടിട്ടും പാലം പുനര്‍നിർമിക്കുന്നതിനോ ശോച്യാവസ്ഥ പരിഹരിക്കുന്നതിനോ അധികൃതര്‍ തയാറായിട്ടില്ല. രോഗികളെ ആശുപത്രിയില്‍ എത്തിക്കാന്‍ വൈകുന്നതായി വിവിധ കോണുകളിൽനിന്ന്​ പരാതി ഉയർന്നിട്ടുണ്ട്​​. ജനപ്രതിനിധികള്‍ക്കടക്കം നിവേദനങ്ങള്‍ നല്‍കിയെങ്കിലും തുടര്‍നടപടി ഉണ്ടായില്ല. ചിത്രം: TDL Rajamala Palam തകർന്നുവീണ രാജമല തോടിന് കുറുകെ നിർമിച്ചിരുന്ന കോണ്‍ക്രീറ്റ്​ പാലം