തേയില പാക്കേജിൽ കേരളത്തെയും ഉൾ​െപ്പടുത്തണം -എം.പി

തൊടുപുഴ: തേയില തൊഴിലാളികൾക്കായി കേന്ദ്രസർക്കാർ പ്രഖ്യാപിച്ച പ്രത്യേക പാക്കേജിൽ കേരളത്തെയും ഉൾപ്പെടുത്തണമെന്ന് ആവശ്യപ്പെട്ട് ധനമന്ത്രി നിർമല സീതാരാമന് ഡീൻ കുര്യാക്കോസ്​ എം.പി നിവേദനം നൽകി. കേരളം രാജ്യത്ത് തേയില ഉൽപാദനത്തി​ൻെറ കാര്യത്തിൽ നാലാംസ്ഥാനത്തുണ്ട്. ഏകദേശം 45,000 തൊഴിലാളികൾ ഈ മേഖലയുമായി ബന്ധപ്പെട്ടുണ്ട്. ഇവരുടെ ജീവിതസാഹചര്യങ്ങൾ മെച്ചപ്പെടുത്താൻ പാക്കേജ് ഉപകാരപ്പെടും. ഇടുക്കി ജില്ലയിൽ പീരുമേട്ടിൽ ഇപ്പോഴും പൂട്ടിയ തോട്ടങ്ങൾ തുറക്കാൻ കഴിഞ്ഞിട്ടില്ല. ബജറ്റ് പ്രസംഗത്തിൽ അസമിലും പശ്ചിമബംഗാളിലും മാത്രമായാണ്​ 1000 കോടിയുടെ പാക്കേജ് പ്രഖ്യാപിച്ചത്​. ചിത്രം: TDL MP with Nirmala Sitaraman കേന്ദ്ര ധനമന്ത്രി നിർമല സീതാരാമന് ഡീൻ കുര്യാക്കോസ്​ എം.പി നിവേദനം നൽകുന്നു